سحر العيون

ألذ مابيك صوتك مِن يرن بأذني
موسيقى إولحن وي صوتك إتشدنـي
وأرجف كلي من صوتك رجف بردان
وأخذف مدري خايف لو يدغدنــي
ياخذني فكر وتردني كثره افكار
واسهى إيعيد صوتك يرد ينتلنـــي
وألذ مابيك إسمك من يجي إعلى البال
يلعب لِعِب بيه إوحيل يخبصنــــي
هذا إسمك إوصوتك لعب بيه إطروگ
چا گلي إمن أشوفك شتعرف منـــي
يالمبعد تعال إوجرب إمن الروح
جَلبني إعلى كيفك خلبص إوحلنـــي
يل هليت وي آخر سواد الراس
إوبطراف إلسنين إلباقيه إبسنــــي
زاعلت إلظِحِك طلگت إلافراح
بس گلبي رچيچ إوبيك وهدنـــــي
تِوكل گول يالله إوخل نِكمل إلسير
ولو أدري عليك إلناس تحسدنـــــي
خل تحسد تنمنم واليگول إيگول
إوجدام إلوشالك ولفي غازلنــــــي
وإشبگني شبگ لفني إوي يطولك طول
إوظم راسي إعلى صدرك وإبچي وإحظني
إوخل تعرگ إبچفك چفي وتذب ماي
وإبجيدي إعلى كيفك قَبل إوشمنــــي
إومسدني إبيمينك وإمسَح إعلى الراس
وإبحرگة إمفارج هزني وانكثنــــي
حيث آنا إمنشوفك مني روحي إتذيه
بعيونك حبيبي إمن أصد تِسحرنـــي
منا إمشذون وإجيتك منك أبغي إمراد
مردتني إلسنين إبشوگ سامرنــــي
تعال إودش لگلبي إوزعبل إشمابيه
إونظفه إمن إلعتيج إوللزغر ردنـــي
إولوليلي إبدلول إليهل يهواي
إورضعني حنان إبعطف گمطنـــــي
وإكتبني قصيده إوبيه بَحِر زين
وإقراني إعلى كفيك لَمن تحفظنـــــي
وإذا مليت شگها إوذبها بالتيزاب
إوحرج ورقتي إومن گلبك إشطبنــــي
لأن بيه إلتَعَب يهتك صبر أيوب
ولايعقوب وَن لَبنَه مُل ونــــــــي
وألذ مابيك كلك ياألذ مني
ياگبل إلفرح هليت تِفرحنــــــــي


للامانة الادبية (منقول)

[ميسور الحال]

وألذ مابيك إسمك من يجي إعلى البال
يلعب لِعِب بيه إوحيل يخبصنــــي..

يسلمو غاليتنا فتونة..
عاشت الانامل التي نقلت ..
اختيار جميل