ثلاثية الشاعر المبدع عمار الجرجري
ثلاثية الشاعر عمار الجرجري
من شعراء قلعة سكــــــر
(آنه أحلامي بسيطه)
آنه أحلم كون ما امد ايدي
إلّه بجيب إيدي
وكون دمي يدور
مو بس ابوريدي
كون انام وعندي دين
وكون أصحه الصبح ماعندي ادين
آنه أحلامي وامانيي بسيطه....
آنه كل امنيتي واحد
يقره يم راسي العديله
من امــــــوت
ومن اموت..
كون اموت ابّيت ملكي..
ملكي وحدي
حَتّه لو أبنيه ابخيط العنكبوت
من اموت..
كون إبني ايعيش..
بَس ايعيش إبني..
آنه مادنكت راسي
حتّه راسي ايصير اساسي
وحتّه عالي ايصير إبني
ومايدنِك يوم راسه
آنه آحلامي بَسيطه..
آنه أحلم كون احِب النّاس كِله..
كِله حَتّه المايحبني
كون ما أكسر غصن
احتِمال ايشيل وَرده
حتّه لو هو كِسَرني
كون اصيرَن عين غيري..
ليل غيري.. جَرح غيري..
كون اصيرَن آنه غيري..
حتّه لو ماصار غيري
كون اشارِك كل ضَمير
وما يشاركني ضَميري
حتّه ما أخسَر ضَميري
كون أحلَــــم
آنه صار سنين
ماحالِم حِلــم
والسنين سنون ذيب
التّاكِل براس الزّلم
آنه آخر مَره بيه اتحَلّمت
جَن آنه أحلَــم
وجَنّي شايل كاس بيدي
نصّه الاول من دَمع
والثّاني مِن دَم
بينهِن بَرزخ مَحنّه
لاهو نار ولاهو جَنّه
فسرولي الحلم
كالو لوتِسافَِر
لو تموت
آنه كلت الموت سَفره
وبعتقادي الموت
نوع من السكوت
يعني كلّ النّاس مَيته
وآنه ما أحتاج
إذا اموتن خريطه
لأن أحلامي بسيطه
آنه أحلامي وأمانيي بسيطه
قصيدة عــد
للشاعر عمار الجرجري
عد للبعد ما إجه
للراح بالك تعد
بالك تشوفه نده
المايشوفك ورد
مخلوقه كله سوه
إيّاك عبد اصّير
وحتّه العبد بالأصل
مخلوق حر مو عبد
بس طبع بيه البعض
يرتاح إذا جلاد يصبح
وعكسه البعض
يرتاح اذا ينجلد
صير انت عاده وسط
مابين هذا وذاك
لا يابس وتنكسر
لا لين وتنمرد
صنفين هو البشر
صنف إذا يمك كعد
تتمنه تلغي الزمن
والثّاني لو غادرك
تتمنه لو مايرد
ومو كل فرد ينولي
ولا كل جمع ينهاب
اسراب لو تلتفت
تلكه الطّيور اسراب
بس التفت عالصّكر
ميطير إلّه فرد
شاف الجّماعه ضعف
والوحده بس تنظير
ماطار ابد وي سرب
قرر لوحده يطير
واصّير لاتنذهل
بالأنبياء اصّير
يوسف اخوته اهدعش
من شاف كلهم دغش
ذبهم وخاوه البير
وهواي من هالعبر
بس جيب واحد عبر
واحد بأي أسباب
بيبان اللّه شكثر
ومشرعه البيبان
بس المصيبه الصدك
جيب الوصل للباب
ومكتوب فوك الجرح
صواب البجرحك خدش
مو واحد ايقشمرك
ويكول عنه صواب
واياك درس الصدك
تتعلمه من جذاب
عنده الاخوه طمع
وشراد اخوه مو مهم
المهم عنده شجاب
ولو طاب عنده جرح
مايسأل شبي جرح؟
لا..يسأل شبي طاب!
وشد انتباهي سَطر
قاري ابفد اكتاب
والد يوصّي ولد
من كَرب منّه الموت
لو فات كرسي الحكم
ليفوتك المحــراب
ماهمني
هملته الكَال اهملـكماهمني
واصبعي الما نفعنيماهمني
تــــره طكَات دهـريماهمني
انه اهتميت من كَالو خطيـــــه
(قصيدة للزهراء)
بِشموعي دَليل لضِلعِچ المَكســـور
أحِس ابرَجفِتِچ مِن تِرجِف اشمـوعيِ
مِن أذكُر مُصابِچ تِنزِل الدّمعــــات
مَحنيّات ﭽنه اضلوعِچ ادمــــوعي
واذا ينذكِر إسمِچ صِدفه يازَهـــراء
أفز إبلا شعور وألزم اضــــلوعي
واذّكَر زمان الباب والبسمـــــار
ومثل كَسر الضِلع تتكَسّـــرِ العَبره
يعصرني الحِزن واذكر لَمن عصروچ
يسطري الهَضم واذّكر السّطـــره
واذا يندفِع باب بأي كِتر بالبيـــت
أتخيَلچ چَنّچ واگفه بظهــــــرَه
شِفتچ بالحِلم يافاطمه اتونّيــــن
ما تردين ونّچ واحد يسمعـــــه
بس النّاس تسمع ياألـم تخفيـــن
وانتي اجرَّعيــــتي المحَّد ايجرّعه
إو جَوه اضلوعه اتضم الونيـن النّاس
وين ايضم ونينه المنكســـر ضِلعه
وين ايضم ونينه المنكســـر ضلعه
رد مع اقتباس
