البحث فـــ محفظة ــي آدمــ

مع تحياتي وتقديري للأخت العزيزه ام علاوي
واشكرها جزيل الشكر على هذه الدعوه

ولو اني مااشيل محفظه وياي ومحفظتي بالبيت صارله 5 سنوات ومااعرف شنو بيه بس راح ادور بيه هسه واحجيلكم

1- ماذا تحوي محفظتك ألصغيره عددها بالتفصيل يعني بين قوسين طلع محفظتك وفتشها جيب جيب ؟؟

اولاً / شريحة موبايل اثير متوقفة عدد 4
ثانياً / اجازه سوق منتهيه صلاحيته من عام 2006

ثالثاً / صور شخصية للمعاملات

رابعاً / ورقة تحمل قصيدة فكاهيه عن وجع البطن

2- ما هو لونها ؟؟
حبري مع الاسود

3- ما هي ألفتره ألتي يقتضي بها أستبدالها ؟؟

يعني انت من محبي تجديد المحفظه دائما لو لحد متتكطع وتصير وصل وصل وتروح تخيطها ؟؟

ادري نمونه هي تكتل روحها ب5 الاف

والله ماادري لان بصراحه مااحب اشيل محفظه
او بالاحرى وين اخليه البنطرون موبايل منا وموبايل منا
والمفاتيح بجيب البنطرون الخلفي
وفلوسي بجيب القميص حاطهن على كلبي

4- هل تسمح لأفراد العائله أن يفتحوها ويطلعوا على ما فيها ؟؟

طبعا لو يموتون متخلي واحد يلزمها مووو

هيه بس امي موجوده وما تحب تدخل بااموري الخاصة
5- أذا حدث ونسيت ان تأخذها معك وخرجت من البيت هل تعود أم انك تكمل رحلتك ؟؟
ما احتاجه ولا افكر بيه
هو الهويه ومرات اعوفه بالبيت

6- هل تحتوي محفظتك على أشياء خاصه ؟؟ ماهي ؟؟
ايييييييييييييييييييييييي وكعنا عالطين الحري

بيه رسالة من عمي من كنت بعيد عليهم وما شايفهم لمدة سنتين
ارسل لي هذه الرسالة مع الاقارب

وبيه ادعيه امي الله يحفظه كانت قبل تكتب واتعبي بهل المحفظه وصايره مو محفظه جنطه دبلماسية

وبيه رسالة من بنت كنت اعرفه قبل من جنت شباب

7- هل سبق أن تعرضت لحادث سرقة أو ضياع محفظتك ؟؟ وما كانت ردة فعلك ؟؟

لا ابداً

اتمنى ان يعجبكم الموضوع

ويتم تفاعل شباب المنتدى
وكل عضو يختار العضو الي بعده بس بشرط تكون المشاركه للشباب فقط
البنات بس يتفرجن ههههههههههه

واول من نبحث في محفضته هو
المبدع الزير سالم
يله يافارس المنتدى طلع محفظتك وجاوب

شكراً لام علاوي الورده واحلى ورطه
ورح اورط بعدي اخي وصديقي كريم موسى
تحياتي لك