السلام عليكم ورحمة الله وبركاته
الغاليه مملكة الحروف شكرا للدعوه المميزه
يسعدني ان اروي لكم يوم من يوميات ام علاوي
لعلم ان يومياتي ليست روتينيه فربما تات ايام تكون نسخه واحده
لكن فجاه يطرأ ماهو جديد ليقلب الموازين هههههههههه
لكن سأسرد لكم يوم من الايام الروتينيه
عادة انا من محبي السهر لذلك ابقى طوال فتره الليل متواجده في المنتدى
يعني بالعراقي( خفاش)هههههههههه
الى اذان الفجر
اصلي ثم انام
بعدها استيقظ قرابة الساعه 10 صباحا مع اطفالي لتناول الفطور
ثم يبدأ يومي المشحون تاره مع صراخ الاطفال وتاره مع تحضير وجبة الغداء
وانا حقيقه يعجبني ان الاطف اطفالي وخصوصا علاوي لان له لهجة مختلفه فهو يلفظ بعظ الحروف بصوره خاطئه مما يدعو للضحك
لذلك تجدوني دائما مااستفزه لاجعله يتكلم
وهو حاليا مشهور بكلمة( كهوائي) اي قهوائي هههههههههههههه
فكل لون عنده هو كهوائي يعني اذا ردت اسئله عن لون البنطرون مثلا وجان لون البنطرون ازرق هو رح يقول ازرق لكن اني اغالطه واكوله لا مو ازرق فهو رأسا يقول كهوائي
وطبعا دانيه تبدي الغيره عدها وتتزعل ليش متتشاقين ويايه مثل علاوي
وتبدي تبجي ولازم اروح اشاقيها واراضيها
اويلي على البنات شكد يتعيقلن هههههههههه
بعدها اتوجه لصلاة الظهر والعصر وبعدها اتفرغ للبيت
هنا صارت الساعه 1 تقريبا يخلص تجهيز العذاء وقبل لا يجي ابو علاوي اني اغدي الاطفال
لان مثل متعرفون الاطفال ميعرفون ياكلون وحدهم لذلك اني اغديهم قبل لانتغده ولو في بعض الاحيان دانيه تحب تكعد عالسفره ويانه وتحب تاكل بماعون وحدها وخاشوكتها الخاصه وتبدي تقلدني بالاكل وهذا مايمنع ابد واني اخليها تتعلم وحتى لو متعرف ومراح تاكل شي رح تبقى بس تخربط بس اني مطمنه لان هي شبعانه
واكثر الاوقات انطيهم العاب واخليهم يلعبون في غرفتهم لحد مانخلص غده
وطبعا اني وابو علاوي مدمنين جاي
واني مو من محبي نوم الظهر الا اذا جنت كاعده من وقت يعني بالايام الاستثنائيه
لكن ابو علاوي اعتقد من جان زغير جانو يشربوه منوم ههههههههه
لان بس يخلي راسه على المخده يروح بسابع نومه
بعدها يبدي مشوار التنظيف البيتي لحد الساعه 5 العصر اخلص كولشي
وبما انه اني قليلة التخالط مع الجيران لذلك ملاذي الوحيد هو بيتي الثاني الفرات
ويستمر تواجدي به لحد الساعه 8 مساءا
حيث اقوم لصلاة المغرب والعشاء اعرف متأخر بس اوقات اتلاعب بالوقت ههههههه
بعدها اقوم بتحضر العشاء
وهنا يبدي شلعان الكلب رح تسألون ليش؟؟
اني اكوللكم ليش
لان ابو علي مسوي ريجيم ولازم اسويله اكل خاص
وياعيني على الي يسوي ريجيم عبالك احنه الي فارضين عليه هذا الاكل
يصير عصبي وميعجبه اي شي
المهم
صراحة اني مااحب اتعشى لذلك مااحب وجبة العشاء ولا احب اسويها بس مجبوره
لكن يعجبني بالصيف الرقي لذلك تشوفوني اتعشى رقي في بعض الاحيان
بعد وجبة العشاء تأتي فترة السمر وياعيني عليها من فتره
اقضيها ويه اخوتي الفراتيين للصبح


اتمنى اكون ماطولت عليكم بيومي
لكن هذا واحد من ايام ام علاوي
اعود بالشكر مره اخرى لصاحبة الموضوع الظريف
وهذا وان دل فأنه يدل على امتلاكها روح مرحه وصاحب ظل خفيف
دمتي غاليتي ودام ابداعك