ألى جميع الأطباء\رسالة من الناس

فقره الناس تعرف والرزق محدود
ودولاب الوكت مگلوب فر بيهه
وعشرة هواي كلش كشفتك دكتور
ومو للناس لله بخمسه سويهه
ألله انطاك رفعه تشيل بيهه الراس
وربك يگدر بلحظات يلغيهه
واذا ترحم الوادم يشهد العباس
سمعتك للعرش ربك يعليهه
بالصدفه الغني يصيبه المرض دكتور
لأن بالراحه هاي الدنيه گاظيهه
وصدگنه المرض ويه الفقير يعيش
لأن بالظيم كل ايام غافيهه
بس فرق الغني عن الفقير هواي
مثل فرق الجبال وفرق واديهه
أذا يشفه الغني ميدگ عليك الباب
واذا يشفه الفقير ايرد يحنيهه
أتخيل احبابك مرضه يا دكتور
وما عندك فلوس الي تداويهه
وماتو والسبب سعر الطبيب هواي
شچم دعوه على الدكتور تدعيهه
أكيد اذنوب عندك لأن مو معصوم
وربك لاتظن الذنوب ناسيهه
تدعيلك الوادم خلهه يا دكتور
بلكي اذنوب عمرك دعوه تمحيهه
من أحيا نفس ربنه بكتابه يگول
چن الناس كلهه اليوم يحيهه
وما خسران اذا ساعدت هاي الناس
والعباس من تموت تلگيهه
عوف الدنيه كلهه اولا تهم بالمال
لأن هالدنيه والله الموت تاليهه
شلك بالقصور وأنته تعرف زين
تاليك تموت المن تخليهه
واذا تترك الدنيه وترحم انته الناس
ألك ربك بجنته قصور يبنيهه

الشاعر
احسان القريشي

[ام فيصل]

احسان القريشي
الرائع دوما
بداية حياك الله معنا في منتدى الفرات
وكم اسعدني ان ارى اسمك اليوم في هذا القسم
فأنا من اشد المعجبين بنفحة الإحساس التي تتخلل سطورك
كلماتك لها وقع خاص في الروح

مية هله بيك عزيزي
والفرات يعتز بمثل مدادك الراقي دوما
حياك الله ونتمنى لك طيب الإقامة بيننا

تقديري للقريشي

[ابو سجاد الركابي]

الاخ حيدر القريشي\\قصيده رائعه تحاكي واقع الحال لقد كان على بالي ان اكتب موضوعا في هذا المجال فسبقتنا ولك الشكر على ذلك \\تقبل تحياتي

[طه طعمه العكيلي]

احسان القريشي

أذا يشفه الغني ميدگ عليك الباب
واذا يشفه الفقير ايرد يحنيهه


الله


تقبل مروري المتواضع

تحياتي

احسان القريشي
الرائع دوما
بداية حياك الله معنا في منتدى الفرات
وكم اسعدني ان ارى اسمك اليوم في هذا القسم
فأنا من اشد المعجبين بنفحة الإحساس التي تتخلل سطورك
كلماتك لها وقع خاص في الروح

مية هله بيك عزيزي
والفرات يعتز بمثل مدادك الراقي دوما
حياك الله ونتمنى لك طيب الإقامة بيننا

تقديري للقريشي

أختي الغالية اشكر مرورچ الكريمك الي نور القصيدة وممنون منچ على هذا الترحيب وبصراحه اني اليه الشرف ان اكون احد اعضاء هذا المنتدى الجميلي الي يظم الطيبين امثالچ تحياتي

اخوكم
احسان القريشي

[ابو سجاد العتابي]

حياك اخي القريشي وعاشت ايدك على هاي القصيدة الاكثر منرائعة
تقبل تحياتي اخوك ابو سجاد العتابي امريكا

[أنثى شرقية]

الشاعر المبدع دوما وابدا احسان القريشي

حياك الله خويه بين ركب الفرات
وسعيدة جداا جدا بانضمامك الينا
لتعلم من فيض قلمك الرائع الذي يحكي دوما واقع حال نعيشه
فسلم لنا نبضك وقلمك
قصيده بالفعل رائعه حاكت واقع حال العراقي
فشكرا لك من القلب
تمنياتي لك بدوام الصحه والعافيه
والتواصل ايضا بين ربوع الفرات
تحياتي

الاخ حيدر القريشي\\قصيده رائعه تحاكي واقع الحال لقد كان على بالي ان اكتب موضوعا في هذا المجال فسبقتنا ولك الشكر على ذلك \\تقبل تحياتي

حبيبي الغالي اشكر مرورك الكريم الي نور القصيدة وانا واعوذ بالله من كلمة انا احسان القريشي وليس حيدر القريشي تحياتي الك