رسالة عراقي طفران وزهكان للمالكي: لك يمعود والله ما نريدك بالمسيح ما نريدك، والعباس و

استاذي العزيز جهد رائع
اولا ...تكلمت بلسان الكثير من العراقيين
ثانيا..احسدك لان انا كتبت قصيده(الله ستر همزين ما ضربوني)
اشكرك جدا لتقبلك مروري

[ام علاوي]

شكرا لكاتب الرساله وهو اولا واخيرا رأيه الشخصي
ولا يحق لنا تغييره او معارضته
وانا برأيي ان مايوجه الى المالكي من انتقادات ورسائل وقصائد هجوميه
ماهي الا ضريبة الشهره
وانا برأيي ايضا ان المالكي انسان مثقف وواعي يذكرنا بالبطل عبد الكريم قاسم
لكن يااخوان انطوه فرصه ادري قابل عنده سحر؟ لو العراق 3 درابين ؟؟
لو احنه العراقيين نريد كلشي عالسريع ؟؟ عباس المستعجل
وعلى كوله واحد من اخوانه الاعضاء البيت من ينهدم ربما يحتاج يوم واحد ويصير تراب
لكن من تريد تبنيه شكد يحتاجله ؟؟
فصبرا ياايها الشعب العجول ترى الصبر مفتاح الفرج ... ادري رح تكولون صبرنه صار سنين
شكد صبرتوا يعني ؟؟ صار شكم سنه من وكع صدام ؟؟هذا هم تعتبروه صبر ؟؟ يعني الي صبر على سنين صدام كولها وماحجه ؟؟هالجم سنه تحجيه ؟؟
والله العراق ميصير براسه خير لو بعد مليون سنه
مدام ممتكاتفين ويوميه النه راي
واني متأكده اذا استلم الرئاسه علاوي رح تجون وره سنه وتطالبون بتغييره
فليش يااخوان... ليش احنه يوميه النه عرس !!
عذرا للاطاله
واتمنى ان تتقبلو رأيي بروح رياضيه وعلى كوله استاذنا ابو الغيث
( دي موقراطيه )

تحياتي للجميع

مساء الخير و الورد
أنا قرأت الموضوع و الردود, بصراحة الموضوع يستحق التقدير
لأن كلمة الشعب موجوده فيه.
شكرا ل كاتب الموضوع
تحياتي الى الجميع مع الود و الورد

[* البتول *]

عزيزتي الغالية ام علاوي
اربع سنوات مومجال هذا يخلي الواحد يعدل ولو جزء بسيط من احوال الشعب وين الغذائية وشنو الي قدمة للشعب ؟؟؟؟؟؟؟؟
من بعد ماشبعنة وعود على تحسينهه واضافة مواد يابو مواد عليهه وهسة بدت تنقرض شوية شوية هذا ابسط شي واهم شي للفرد

لو السؤال الي محد جاوب علي من كلت اريد تعليق للسجون الي ظهرت شنو تعليقكم عليهه
ليش هاي السجون مصرفوا عليهه فلوس وكدرو يصرفوهه لتحسين احوال الشعب المعيشية هذا الي جان مخفي وظهر والله اليعلم شنو المخفي بعد والله اني اتذكر وانتم هم تذكرون من دخلت امريكا للعراق اول ماسوتة زودت الرواتب والعالم حتى وجوهه اختلفت صارت احوال وغير شكل موامريكا لا خلف الله عليهه تعرف شلون تشتغل
وهسة احنة في ظل دولة القانون اعلى مرتبة تحتل المركز الاول بالفساد الاداري
والله هسة امريكا تتفرج علينة وبالاخير تجيبلنة واحد منتوقعة ولا واحد من الي دنشوفهم بالساحة هسة شلون مااجة المالكي هم متوقعنا والكل راح ينتظر فرج الله وبلكي ينظر بحال الشعب الي تعب من الصبر
والله يااختي بالعراق اكو ديمقراطية موماكو بس محدودةيعني ممطبقيهه مية بالمية وبعدين احنة نريد فعل منريد شعارات فارغة ووعود وبس
هذا رأيي ورأيج الي ميقدم ولا يأخر هسة تجينة جاهزة ولو تصيب لو تخيب
والساتر الله
وترة الي متأذي وشايف الضيم يحس بالحال وينطي رأية بموضوعية وواقعية

عزيزتي البتول

عيوني اسئلج سؤال انتي تكولين حقج ضايع وشايفه الضيم وذكرتي انج ما رحتي تنتخبين ليش مارحتي انتخبتي الي تعتقدين بي انه الاكفئ حتى يوفرلكم الي تردو ....

قبل بعهد صدام المقبور جنه نعاني اكثر من الي ذكرتي وابسط شي حرية الكلام منو يكدر يشكي او يتنفس....

وحاليا وابسط مثال كل العالم صار يدري بالعراق انه ماكو مي ولاكهرباء هذا دليل انه العراقي رجعتله حريته رجعتله كرامته كام يكدر يحجي يشكي ...

4 سنين تكولين ما شفنه شي 4 سنين شنو يكفن من 35 سنه من التدمير والحصار والظلم وحاليا

الارهاب الي همه نفسهم اعوان صدام والي ميريد المالكي اله ايد بهالشي

الله يعين المالكي شنو يتحمل ولا شنو الله يكون وياك..

[* البتول *]

عزيزتي البتول

عيوني اسئلج سؤال انتي تكولين حقج ضايع وشايفه الضيم وذكرتي انج ما رحتي تنتخبين ليش مارحتي انتخبتي الي تعتقدين بي انه الاكفئ حتى يوفرلكم الي تردو ....
لان ماكو واحد كدهه وكفو واعرف بيهه بس وعود
ليش عزيزتي رمانة انتة وين كاعدة موبالعراق متعرفين انه الحصة التموينية تكاد تنقرض من بعد الوعود الي جانو يأملونة بأن راح تصير اربعين مادة زيادة عالحصة
وماكو احد من كرايبج او اخو الج او عزيز الج جان مسجون بالسجون مالت المالكي الي اكتشفوهه بالاخير موصلج هذا الخبر الي هز العراقيين هز
امبارك على حرية الكلمة الغير مسموعة واذا حجينة هوة هذا الفرق الي صار عدنة انه نحجي ومحد يسمعنة نستغيث ولا من مغيث
مرحتي فد مرة على معاملة الج وممشوهه الج الا بالرشوة من جوة الجوة
عزيزتي رمانة وين كاعدة انتي فدوة اروحلج هذا الي اتذكرة بس لو اعدلج تصير جريدة ويجوز متتحملين التطوالة تريدين مختصر مفيد

قبل بعهد صدام المقبور جنه نعاني اكثر من الي ذكرتي وابسط شي حرية الكلام منو يكدر يشكي او يتنفس....
يعني نباع ليورة منباوع ليكدام نقارن من السئ بالاسوء
ومبارك بس بالكلام خبصتونة بالحرية الي صارت وبعدين موكل وقت اكو ناس اعرفهم طبقوا هاي الحرية الكلامية ولليوم مامنهم خبر يجوز هم اندفنوا يعني ماكو فرق شاسع الفرق بسيط

وحاليا وابسط مثال كل العالم صار يدري بالعراق انه ماكو مي ولاكهرباء هذا دليل انه العراقي رجعتله حريته رجعتله كرامته كام يكدر يحجي يشكي ...
الحمد لله والشكر شلون دليل عمي اخذو هالحرية الكلامية واطونة كهرباء ومي عايلين بيكم

4 سنين تكولين ما شفنه شي 4 سنين شنو يكفن من 35 سنه من التدمير والحصار والظلم وحاليا

الارهاب الي همه نفسهم اعوان صدام والي ميريد المالكي اله ايد بهالشي
هسة اضعف الايمان وفروا كهرباء من هالخمط الي ديصير فد كل مدينة مولدة والحصة خلوهه مثل ماجانت منريد هالزيادة الكشرة لو هاي فد معضلة لو مبارك بس رواتب ياخذون بالملايين وميحسون بمعاناة الشعب

الله يعين المالكي شنو يتحمل ولا شنو الله يكون وياك..

والله يعين الشعب شكد متحمل ضيم وضلايم
مشكورة اختي رمانة على هالمشاعر الوطنية واحساسج بمشاعر الشعب الي حتى دعوة حلوة منج مدعيتيلة بلكي الله يسمع منج ويتغير الوضع
ليش احنة وين شايفين واحد يحس بينة ومخلينا على روسنة واني منتخبت لان اعرف بالحلقة المفرغة الي راح ندور بيهه وعود واحلام وردية وماكو فعل وبعدين اذا ردتي تقارنين بين حكم المالكي وحكم صدام الكل تمنت يرجع حكم صدام عالاقل جان امن مية بالمية وغذائية كاملة وتزود ومااريد اعدد لان اني اريد الافضل للشعب افضل من صدام والمالكي
تحياتي للرمانة

حسيني اني وعراقي وشفت الضيم من صدام وهسة الضيم دمرني كلت ياريت يرجع البعث لان محد دخل بيتي ولا احد كسر اغراضي عندي هواي معدومين يسموني حزب دعوة بس من حكم حزبك يدعوة شردولي احبابي وشردون بحجتهم عليه خارج من القانون ياربي شسولف بس هم اكلك ياحبيبي الله يلعنه لايران ولتنسة تلعن كل العرب لذبه بس علعجم سعوديتك وغيرها من العرب حبيبي كله جرذان لتصدك احد يحبك لا علاوي ولا مطلك ولا برزان

حبيبي ارضه بلواقع هذه مصير العراق الى يوم يبعثون
حقيقة موضوعك لطيف (قد اسمعت لو ناديت حيا ولكن لاحيات لمن تنادي)

[النورس الجريح]

أنا شخصياً من مؤيدي التغيير
وأتمنى بان تتغير الحكومة لتتفيد من أخطاء الحكومة التي سبقتها
وكذلك من حق كل الكتل التي فازت في الأنتخابات
أن تتمسك بالسلطة كونها منتخبة من قبل الشعب
وأعتقد بأن 89 مقعد ليس بالأمر اليسير وهذا يعني بأن فئة
كبيرة من الشعب اعادت إنتخاب المالكي ومن حقه
أن يتمسك بأصوات من إنتخبوه
عموماً لا أعتقد بان المالكي يصلح لفترة حكم أخرى
الرجل حكم لاربع سنوات واثبت فشل ذريع
فقد تدهور وضع العراق أبان حكمه من السيء الى الأسوء
فأنا مع التغيير
شكري لأبي الغيث مميز كما عهدناك