يالوياك بقلم الشاعره ام مريم سفيرة الشعر

[سفيره الشعر]

يالوياك

الوياك ماخذ من رحت روحي
تعال وشوف شوك اشكد الك عندي
من يوم الرحت دمعاتي ليهسه ينطرنك
ترد مافاركن خدي
بيه جروح الك ماطابت من سنين
لساع وحياتك تنزف وتددددددي
جنت الوحدك وانه لصرتلك ناس
شلون تريد اظلن بعدك لوحددددي
لوتدري الوكت بعدك يفرني
شلوون ناعور اصبحت يترسني ويبددي
بسدك جنت الوذن رغم كل الناس
جانت تنتخي وتتلبد بسدددددددي
ماود والك من كتلي اريدن ود
منحتك كل حناني وكرست وددددددي
ضد روحي اعاند واتفق وياك
شلون انت ويه روحك تتفق ضددددي
ماالومك الومن كلبي جي
بحبال جتفني بغرامك حيل مجبووووووره
وغصب حبيت طبعك والمزايت البيك
رغم جورك علي بس انه مسروره
العسل مرابدونك من يضوكه الريج
واضوكن حنظلك ماحس اله مروره
موبيدي وحياتك يالاعز مني
والله لحضرتك كلي انه منذوره
انوم صورتك وي حلمي من انام
ونفز اثنينه نعاين على الصوره
يالماكو بحنانك ماشفت لليوم
هلبت بالجذب تغمرني حنيتك
موكافي هجر وغياب صار سنين
يمته تعود اليه واحتفي بجيتك
ليش ويه الغرب كاضيهه بالايجار
مودارك وسيعه وبالنظر بيتك
اذا زعلان كلي اعتابك عالراس اراضيك
برغم مامره غثيتك
موهين علي ياخرزة سليمان
اضيعك وانه للوهواس ضميتك
كاتلني القلق لوادري موبالايد
وي خيط الكلب ياروحي شديتك
باسمي وداعتك سجلتك ومختوم
ثق شما رحت ترجعلي تاليتك

يالطيفك تعنالي واتى لي

شكثر ايات قاريلك وتالي

ثق شما رحت اول وتالي

ترد وتعودهم النوب اليه



تقبلو ا مني احلى وارق تحيه

سفيرة الشعر

[الكناري يونس الجبوري]

صح لسانچ

قصيده ولا اروع تقبلي مروري المتواضع

طال عمرچ

تحيتي الچ

ضد روحي اعاند واتفق وياك
شلون انت ويه روحك تتفق ضددددي


كلمات رائعه
كتبت بانامل رقيقه
سفيرة الشعر
دخلتي القلب دون فيزا لأنكي تملكين حصانه شعريه
اتمنى لكي التوفيق الدائم
دعائي لكي بالخير والسلامه

[السومري71]

الأخ العزيزه
قصيدة رائعه
وما اجمل الكلام عندما تبوح الانثى بمشاعرها الدافئه
شكرا لما جاد به قلمك
تحياتي

[ابو سجاد العتابي]

جميل ما تكتبين ملكة الشعر
تقبلي مروري
ابو سجاد العتابي امريكا

[سفيره الشعر]

الغالي يونس الجبوري

الغالي ابو سجاد العتابي




الغالي زهير العقابي


سعيده جداااااااااااااااااا

بمروركم وتواجدكم المميز يارائعين


يااغلى اخوه وشعراء دمتم بود