نصائح للعجايز فقط

[عامر الكربلائي]

السلام عليكم ورحمة الله وبركاته

اخوان اخاف تسجل عجوز بالمنتدى اذا بقيت هنا اعتبو عليه احنا المتزوجات كوه جارعيهن
النوبه عجايز من امدانه اي والله اذا بقينه

طبعا العجوز من تكبر تصير نحسه جدا وماتنجرع بس وجودها بالبيت بركه وتسوي
جو عائلي جميل حتى اذا انطفت الكهرباء والحر سمط ابو ابونه الاهل كلها تصير
فوك العجوزه اتهفي الها خوفا من الحر يموعها وتموع روحها

الموضوع نصائح للعجايز

1. للمحافظه على الصحه وخاصه اذا عبرت 80 سنه النصيحه يوميه
تركض من الفجر الساعه 4 فجرا وتستمر بالركض الى الساعه
الخامسه عصرا تلبس شورت كودري خفيف مع فانيله دلع حمره بيها
لمعه واضل تركض تركض من بغداد الى النجف حتى تموت هناك وتخلص
وتندفن هناك

2. للتقليل من الضغط والارهاق للعجوزه الي عمرها 95 وفوق

1 النوم في غرفه معزوله عن زوجها الشايب يعني كافي بس ماشبعتي شنو جلبتي لو ماجلبتي
2 عزل ابنها وزوجته الحقيره اي جنتها في بيت مستقل عنها مو وياها
3 ترك السهر والتدخين والكعده بالنت والمنتديات والجات

3. للتخلص من الالم الظهر نهائيا وخاصتا للعجوز الي عمرها 90 سنه
تتبع الخطوات التاليه

1 تلعب عقله خمسين دفعه مع شناو تك ايد الف مره
2 القفز على الزانه لمسافة عشرين متر
3 التجديف بالزوارق لمسافه من بغداد الى الموصل رايح جاي
4 جمناستك ورقص ايقاعي في الماء ورياضة الغوص