اقتباس المشاركة الأصلية كتبت بواسطة ام فيصل مشاهدة المشاركة
مزگ أوراق الرسايل..مثل ما گلبي مزگته..
وأحرگ أبيات القصايد..والحرف اذبح نقطته..
صارت أشعاري معابد..تحرم أعليكم دخلته..
ملهم أشعاري حسبتك..شرف هذا ماحفظته..
واخترت كاس الندامة..ضوگ من كاس الجرعته..
بدمع عينك لاتجيني..تگلي هجرك ماحملته..
چان گلبك ماي صافي..شبدلك گلي وخبطته.؟
شگد سمعت أخبار عنك..گمت اعدي ولاسمعته..
وشكثر گالولي يلعب.. گلت احبنها اللعبته..
وكلها گالت مايفيدك..گلت ما عوف العشگته..
چنت الاگيك بضحكتي.. والگلب دافن دمعته..
وأعلگتلك روحي شمعة..وضيعت كلشي الحسبته..
تريد تلعب؟روح العب..گلبي من عرجه گطعته..
أرد اضوگنك عذابي..ولوعتي..وحزني الحزنته..
وأرد أعلمك..ماتخلي الفالة بگليب الشبگته..
وما عرفته..هيچي گلبك صاراسود.. ماعرفته..
اشگد كرهته..
كلمن أيبيع ألوفة بسعر الخيانة..اشگد كرهته..
ويافشلته...وياندمته...
گلبي المعلم يسامح ..هم خنگته.....هم خنگته


حقيقة تخجل الكلمات وتستقي من جمال حرفك كل جميل
حروف صاغتها خيوط الابداع
وجمعت لنا احساسك وكل الشجن فخاطت وجداننا

لمسة شعربة جميلة ومشاعر تدفقت كالبركان
انها لحظة الخيانة ,,,, فكم تدمي الفؤاد

ايها المبدع
تقبل مكوثي بين ثنايا حرفك
وشكرا لك ولحرفك الراقي
الغالية ام فيصل
مروركِ..فراشة رفرفت على وريقات متصفحي...طائر نورس هاجر في بحور قصائدي...انغام حبآ تراقصت عليها حروف كلماتي..فلكِ مني اجمل تحية واعذب سلام.