اوكف خل اصفي احساب دنياي
وشوف اشلون حطتني ابكترهه
نار ابنار صرت ابين نارين
لانه الفوكهه ولانه الحدرهه
انه اتلوهت من جدمي للراس
موزه اتلهمطت هيه اوكشرهه
لاماخذ ولامطي اعله يا مال
اشرب نارهه واكرط جمرهه
شتله اسنين عمري ولاحهه الماي
جدمك داسهه وغيرك عبرهه
ليش اتعذرك ودري انه معذور
روحي من الخلك محد عذرهه
كبل لاطيح ربعي اتبرت ابساع
غمضت عينهه ودارت ظهرهه
وانه الهم جنت متهدل اهدال
عله الصوبين وي مدهه اوجزرهه


بداية ارحب بك عزيزي ابو علي في منتدى الفرات
وحياك الله بين اخوانك
قصيدة جدا رائعة ومداد ناطق بالعذوبة والاحساس

عتاب ولوم ,, وألم وحزن تخلل الأبيات
رائع انت عزيزي بالوصف وانتقاء المفردة
تحياتي لك ولجميل ماسطرت
وهنيئا للفرات بشاعر مبدع مثلك يبو علي

ننتظر جديدك القادم
مع كل التقدير