زنجيل زهيري موال بقلمي
مكمط يلفه الحزن هو اليحل والفله
يهواه بروحه التي ضلت ترف ولهه اله
مشتاكه موبس اله الجيرانه هم والهله
جي لنه بعد الهجر حن ورجع عاد الي
يدري بجفا من طحت حتى الاخو عاده لي
لكني متغيرت طبع الوفه عاده الي
ضليت احمل صفه عند البشر مالها
يخسه الوكت يدعي بجفوفه اهو ماله هه
مامالت ولا الكلب يلعب ابد مالهه
اي وحك ذاك الذي يطلع غداا منتظر
ابقى انه طول العمر اتامله ومنتظر
احيانا الي تظر خير ونفع من تظر
منهه انتعلم درس لو طعمه حنظل ومر
ولو عاندتنه وقست لله نسلم الامر
ماناهي غيره ابد هو الي بيده الامر
قادر يدير الوكت لو راده امرا يمر
وقادر يخلي الشته صيف ابلهيبه يمر
العاد يوسف تره اليعكوب خلا يمر
قادر يرد للكلب خله ويرد ولفه اله
رد مع اقتباس
رد: زنجيل زهيري موال بقلمي
