صحوة شعرالتي صفق لها الشعراء لسفيرة الشعر

[سفيره الشعر]

صحوة شعر
التي صفق لها الشعراء
صح الكال تعشق قبل العيون
مرات الاذن صوت وتتبعه
ولكن بالشعر لتكلي احيان تذوب
بكل وكت لمن تسمعه
خصوصا لوبنه بيته عله وجدان
كل صدر وعجز من عنده قلعه
اذا شاف القصر فد يوم مغرور
يهده وكوخ متواضع يرفعه
القصايد موشرط تقنع اذانه
ومضه من الكلب يمكن تقنعه
الشعر مابي كرابه ولاعلاقات
بعينه الناس كلهم ولد تسعه
ميهاب الملك لوجان غلطان
يحط بعينه من يغلط اصبعه
واذا شاف العدل فد يوم مكسور
عكاز لمشيته يصير ضلعه
القصايد موشرط تقنع اذانه
ومضه من الكلب يمكن تقنعه
تصح جمله عليه تعدي وتفوت
وتصح كلمه صدك كله تقلعه
وابو الطيب ترك شارع لبغداد
عليه اهل الفكر تزحف الجمعه
كريم وسفرته من الطول للطول
لكل صاحب علم لازم يشبعه
ومن عده اخذ كاظم الكاطع زاده
ومن عطش مراعله نبعه
لهذا اصبح مصور شعره لوحات
من يرسم نظر عينك يشلعه
شمس روحه ابد مالبست حجاب
قصيده لكل محب ظلت مفرعه
القوافي تريد واحد مثل عريان
اذا ينخا حرفهه يهدله فزعه
وقبل لايبجي حبر القلم بيده
الورقه تكوم قبل عيونه تنعه
الوراه بلايه شوف وهسه شافو
جي الهم حرك كل روحه شمعه
وذاك الي زرع ليل البنفسج طك
وخضرتله انجوم زرعه ياريل المظفر
حمد زعلان يعتب مااجوليهسه ربعه
على بختك يريل وتدري الفراك
حنظل ياحلك يكدر يجرعه
عمر الي كضه مترده الايام طبع
بايامه بس يخلص تودعه
بس عمر الشعر عدنه بالعراق
شمايرحل الف جيل اليرجعه

[ام فيصل]

بس عمر الشعر عدنه بالعراق
شمايرحل الف جيل اليرجعه


نسج جميل وعرفان منك بجود اهل الشعر وابداعهم
فالشعر احساس قبل ان يكون كلمة
واحيانا يشتعل هذا الاحساس ليحيل الكلمة الى رصاصة

فالشعر قضية
والشعر وطن
والشعر روح

وباجتماع الكلمة والإحساس تنطق القصيدة
وقد تهز عروش
او تلهب قلب
او ربما تزيح من الروح مسحة ألم

نثرتي فابدعتي
شكرا للمداد والكلمة الشفافة
مودتي لك عزيزتي

[سفيره الشعر]

ممتنه لهذه الكلمات الرائعه بحق مااكتب

شكرااااااااااااااااااا


اقولها بكل العرفان للمرور والتواجد


دمتم بطيب ومحبه

[ابو سجاد العتابي]

رائعة ياسفيرة الشعر بقدر روعة العراق
تقبلي تحياتي
اخوك ابو سجاد العتابي امريكا

[سفيره الشعر]

شكرااااااااااااا

اخي الغالي ابو سجاد الرائع


ممتنه لهذا التواجد الغالي

[الغروب]

سفيرة الشعر:انت قولا وفعلا سفيرة الشعر لانك عكست الوجه المشرق للقصيده الشعبيه..لقد نظمت لؤلؤا ووردا..تقبلي كل الود

[سفيره الشعر]

الغروب الغالي


شكرااااااااااا لهذا المرور العطر


الذي اسعدني كثيراااا


دمت بمحبه