رد: العروس اتريد بيضة والبيضة عند الدجاجة
اعيوني اول ماانتهت الطركاعه السودة الي اسمه الانتخابات
الحد الان كم شهيد ما نريد نحسب الشهداء قبل الانتخابات
لان اعداد هائله ومؤلمة جدا
لكن بعد الانتخابات الحد الان شكد
ومن اجل منو راحت هاي الناس الابرياء
رحم الله شهداء العراق جميعاً
يعني العروس تريد البيضة والبيضة عند الدجاجة ...................الخ
زين الجماعة شنو يريدون
بعد ما اكلو البيضة والدجاجة والحبه والفلاح والمحراث والحداد والدينار اخو الدولار
وشربوا دجلة والفرات والعمدان والسدود والانهار الصغيره والجذاول .........الخ
وشربوا نفط العراق طبعا هاي بالجيس واول سالفة تم شفطه
وعصروا الكهرباء من الشمال للجنوب حتا تصير 220 فولت خاصة بس بالمنطقة السوداء اقصد الخضراء
واكلوا نخل السماوه وبرحي البصرة وشربوا لبن اربيل
واكلوا عنب سامراء والدجيل وبرتقال ديالى وكربلاء
واكلوا خيرات المحافظات كله
اكلوا الفقراء من السنة والشيعه والصابئه والمسيح والكلدان واليزيديه
اكلوا ملة لا اله الا الله كله
و
و
و
وخلصت كل السوالف
والحد الان ننتظر رحمة الله شوكت ينتخبون رئيس الوزراء
حتا يرجع الامن والامانويرجع كل الي أكلوه الربع
طبعا حجيهم مال قفاصة ولا يدخل بدماغي لان ماكو هيج بطة تلعب اشناوي
سالفة تعبانه كلش
هو فلم سينمائي مترجم بكل اللغات
وينعاد علينه بعد كل
عروسه
تريد البيضة
والبيضة عند الدجاجة
والدجاجة تريد حب
والحب عند الفلاح
والفلاح يريد محراث للارض
والمحراث عند الحداد
والحداد يريد فلوس
والفلوس عند العروس
وتبقى السالفة نفس السالفة ونفس القوانة
وابوكم الله يرحمه
ولايسعني الا ان اقول
حسبي الله ونعم الوكيل عليكم
.gif "66 (124)")
.gif "66 (75)")
.gif "77 (9)")
رد مع اقتباس