لا بجد فعلا ممكن تزعل لو قولتلك يا حمار ؟؟
انت بتستعبط يا د انت اكيد طبعا هزعل انت بتشبهني بالحمار ..
طيب ايه اللي زعلك من تشبيهك بالحمار ؟؟
اولا لأنه حيوان ثانيا لانه غبي ....
يعني انت كل اللي مزعلك انه حيوان وغبي طيب بالأمانه كده الحيوان ده ممكن يزعل لما نشبهه ببشر او بني أدمين يعني ؟؟
ههههههههههههههههههههههههههههههههههههههه
معقوله دي ازاي يعني ومين اللي قالك الكلام ده انت بتخترع ..
لا انا مش بخترع انت جاوبت ودافعت عن بني جنسك امام الحمار سيب بقي الحمار يدافع عن نفسه شويه ولا ايه عملا بمبدأ تكافأ الفرص
ماشي كلامك اتفضل يا عم الحمار عاوز تقول ايه ؟؟
الحمار اتهمتني أيها الانسان اني غبي وهذا اتهام باطل لاني لست غبي والدليل انني حينما يتركني صاحبي في اي مكان استطيع العوده الي المنزل فأين الغباء هنا ....
واللهي كلامك حق يا عم الحمار عاوز تقول ايه تاني ؟؟
عاوز اقول انك اتهمتني اني حيوان وهذا شرف لي افضل منان اكون انسان مثلك ...
الله الله انت هتغلط ولا ايه مش عاوزين غلط في حد وحدد كلامك ؟؟
اسف علي الغلط بس انا محروق دمي انا صحيح حمار بس لو عملت مقارنه بيني وبين بعض البشر ستجد اني افضل منهم ..
وما الدليل علي ذلك ايها الحمار ؟؟
الدليل هو ... عمرك سمعت عن حمار اخد اخوه الحمار بالحضن وبعد ما مشي اتكلم عليه وهتك في عرضه ....
عمرك سمعت عن حمار رفع قضيه حجر علي ابوه بسبب المال وجابله حسره ومات ....
عمرك سمعت عن حمار اغتصب اخته الحماره وهي راجعه من الكليه او من العمل .....
عمرك سمعت عن حمار قتل اخوه الحمار بسبب الميراث والجشع ..
عمرك سمعت عن حمار خان اخوه الحمار صديقه اللي بياكل معاه تبن وبرسيم مع زوجته ....
عمرك سمعت عن حمار شايف الناس امامه بيموتوا ومش قادر يتكلم ولا يا خد حقه ....
عمرك سمعت عن حمار معندوش ضمير ولا اخلاق ولا شرف ...
عمرك سمعت عن حمار حصل علي اعلي الشهادات العليا ومع ذلك يعامل زوجته علي انها جاريه ....
----------------------------------------------
كفايه عليك كده ايها الانسان ياتري عرفت بقي مين اللي يزعل لما نشبه التاني بيه انا ولا انت ..