ابوذيات
العقيله الدين والدر منزللهه
وصبر ايوب يشرب منزللهه
تساجت من محمد منزللهه
وخذت من حيدره روح الحميه
المصايب بالمهد زينب وعنهه
اعتناهه الضيم جن كاصد وعنهه
يعين اهل الرده عليهه وعنهه
على الهضمات وانواع الاذيه
العقيله الفخر حكهه ماعداهه
ونسه الكونين تجزع ماعداهه
الزمن لو جان يعرف ما عداهه
بس قدر غلط وي الابيه
زينب من مهدهه كربلاهه
وكل يوم اليمرهه كربلاهه
من دكت حملهه كربلاهه
زينب رفعته ودكرت اميه
رحيم الحسناوي
رد مع اقتباس