قصيدة من تأليفي ارجو ان تنال رضاكم

[ابو سجاد العتابي]

ارجوكم تعذروني غلطان اعترف انة
وسمعو شوك البكلبي من حبيت افلانة
تعب ودروسي تاركه اوعليها جفوني سهرانة
سكيت اورودها بدمعي وعدها اورودي ذبلانة
انا شبيدي يهل عشاك دلوني الدرب فدوة
عليل اوكلبي متعذب ابنار العشك اجوة
اريد انساها مااكدر اسمها ايمر بالكوة
مهاواليحجي اشحدة عشر اسماء هي تسوة
كل يوم اليمر اهنا بالغربة اني انتظر جيتها
غزال ومن ترد تمشي حلوة اهواي مشيتها
احاجيها فلاتحجي معذبتني ابسكتتها
عدنا اليسكت اموافق هذا المثل يكلونة
مجنون اليحب ياناس والتهواه مجنونة
مها عندي بغلات الروح وله الروح ممنونة

[جــبروت رجــل]

عليل اوكلبي متعذب ابنار العشك اجوة
اريد انساها مااكدر اسمها ايمر بالكوة
مهاواليحجي اشحدة عشر اسماء هي تسوة
كل يوم اليمر اهنا بالغربة اني انتظر جيتها
غزال ومن ترد تمشي حلوة اهواي مشيتها

الله الله يا ابو سجاد
صح لسانك
مبدع حقيقتآ في طرحك المميز والرائع
عاشت الانامل التي خطت هذا التميز ولابداع
تحياتي لك وتقبل مروري

[ابو سجاد العتابي]

شكرا لك عزيزي جبروت رجل على هذا الاطراء

مع تحياتي اخوك ابو سجاد العتابي امريكا

[السومري71]

سلم الله قلبك اخي العتابي
كتبت فأبدعت
تحياتي

[رنا العراقية]

كلمات تحمل تحت طياتها شوق ولهفة للحبيب

الف شكر الك اخي على هذه القصيدة الجميلة

تقبل مروري

[ابو سجاد العتابي]

انا زعلان منكم ماتردون
اريد اجواب عنكلمة شفته
منقول وماعرفت اشلون منقول
جلمة صعب من حقي اسمعته
اريد اجواب راح ازعل ولاعود
ومن اهل الفرات انقل كتابي
لان انتم اعز الناس عندي
ولان انتم ترة اغلى احبابي


مع تحياتي ابو سجاد العتابي امريكا