ابوذيات للشاعر البندر
ابوذيات للشاعر المبدع سعد البندر
@@@@@@@@@@@@@@@@@@@@@@@@@@@@
الوادم تاكل بزرعي ولافات
القسمه وصلت الحدي ولافات
قطار الفرح لا مرني ولافات
ولا حتى بحلم سير عليه
***********************************************
يصاحب من تعد طيبين عدنه
الكرم والجود والطيبات عدنه
جنه بعاد لكن هسه عدنه
تعال نعيد كعدتنه سويه
*******************************************
يدنيه دكي وغني وطبلي
ولاشفت الفرح فديوم طبلي
ادور بالعرب ملكيت طبلي
طبيبي والدوه شحو عليه
*******************************
الكلب ما هاد بس لجلك مشا هد
وصار الخاطر عيونك مشاهد
مو مشهد اصيرن لك مشاهد
واصيرن لك بطل بالمسرحيه
**************************
انه تعلمت في حبك مناهج
ولا تنشد على طبعي منا هج
لون اتريد تهجرني منا هج
وبعد للموت ماتعثر عليه
**************************
اغار عليك من عمك وخالك
ويكتلني كتل من يرن خالك
تعال وشوف بالدلال خالك
ولا تفترك عن روحي شويه
***************************
اريد ابجي الدمع لجلك وصبه
ورش الدرب لجدامك وصبه
علي لطمت نصاره وبجت صبه
وانته ولا رجف كلبك عليه
*********************************
الك مثل الكمر بالعيد... طلعه
وغرامك دوم للتهوا.... طلعه
طلعت وياي ابد موخوش طلعه
وعفتني للمرار....... وللاذيه
********************************
سلام شعجب ما تعرف جناسي
وانته بالشعر كالو جناسي
تراني ما ردت منك جناسي
ردت تشرحلي بيت الابوذيه
*************************
بدمع عيني كتبت حروف نصي
وانه بفركاك زين وباقي نصي
حسك بين هاي الناس نصي
ولتخلي الخلك تحجي عليه
*************************
الج صوره بخيالي طابع انه
وصرتيلي هويه وطابع انه
تهت ولكيت روحي طابع انه
ولكيت الكرم عدهم والحميه
******************************
احن وشتاك كل ساعه ولحضه
واريد بعيني اشوفنه ولحضه
كتلني بسهم نضراته ولحضه
وخلاني جتيل عله الوطيه
***********************************
اطلبك بالعشك عتبه والي دين
وعيونك الي تشهد واليدين
الي رب الياخذ بثاري والي دين
اليفجعك بالعليهم خنت بيه
***************************
اخذلك بيت وانضم من شعرنه
ومحد شعر بينه من شعرنه
ابشرك ولا شعره من شعرنه
صفت كرعان وفترت عليه
*************************
حبك لغز بيدك منتحله
ومنو اليوصل حلاتك منتحله
شعرك على امتونك منتحله
تحل روحي ويبيدن حتى اديه
رد مع اقتباس
