شمــــــــــس وغـــــــروب إلى سيدتي الزهراء

[أنثى شرقية]

شمــــــــــس وغـــــــروب إلى سيدتي الزهراء

( شعر : ميثاق الهلالي )

انكطع ضلعج نعم بس خضر شموع
حركت ليلهم وانكطعت انساب

شلون الدنيه ظلت وانتي تمشين
وشلون الزمن من غبتي ماغاب

ساتر الله لو عبّاس موجود
شلعهه الباب واللابد وره الباب

اعذريهه الصور مولاتي شتصير
اجت يم صور ضلعج تعلن اعجاب

شتوصف ياشمس جفنهه الغروب
يادم ياضلع ينزفله محراب

شمس يدرون بيج وتحرك الليل
واجوج الظهر الاحمر اولو الالباب

وفتحتي بكبريائج دونما خوف
وهدت عاصفه من حدر الحجاب

وشهك دمج ضوه وشك صفنة الليل
وشمع ضلعج تلاشه وذبتي من ذاب

بيج اكتاب عفه وخفتي ينباك
طحتي بروحج وشككتي الكتاب

وهد محسن طفل بس موطفل سيف
يهد بغيرته ويرده الصواب

المحسن هيج سوه شلون ابو تراب
إذا هد وعلي يكلبهم تراب

مثل ماصار بهلج صار وياج
ناب اليكصي بيهم بيج الف ناب

لانج بت محمد اترف الناس
نزف جرحج نده وراس الورد شاب

ولان بت عم علي بمحراب طبروه
طبروا راس ضلعج صار محراب

ولان ام الحسن لميتي الجروح
ودفنتي الجرح في تابوت سرداب

ولان ام الحسين السحكته الخيل
سحكوا ضلعج وضلع الزمن عاب

ولان ام زينب وقرروا يسبوج
ودوهن سبايه العفه والباب

ولان عباس بيج وماتخافين
مره وبسيف ضلعج طارت اركاب
مره وبسيف ضلعج طارت اركاب

[ام فيصل]

اللهم صل على محمد وآل محمد وعجل فرجهم والعن عدوهم

والصلاة والسلام عليك يابضعة الحبيب المصطفى
عظم الله لكم الأجر عزيزتي
باستشهاد الصديقة الطاهرة
لعن الله من ظلمها
ولعن الله من كسر ضلعها واسقط جنينها - خصيمهم ابيها وبعلها يوم الدين

قصيدة جدا رائعة
اقشعر لها البدن
عطر الله انفاسك وانالك شفاعتها يوم الورود
كل الشكر لك ولجميل اختيارك
والشكر موصول للشاعر الرائع ميثاق الهلالي
تحياتي واطيب امنياتي

[نبع المحبة]

بارك الله فيك عزيزتي

لهذه القصيدة المباركة


جعلها الله في ميزان حسناتك

لكي احترامي

[سامي المشكور]

اختي احلام
شكرا لك
كلمات روعه
تقبلي مروري

[أسامه الشاعر]

ساتر الله لو عبّاس موجود
شلعهه الباب واللابد وره الباب
>>>>>>>>>>>>>>>
شكرااا