احنه تدري احلامنه كلش بسيطه
وماعرفنه بالحلم مره الجنون
اريد بيت ..
يلمنه كلنه
اريد شرطي يحمي اهلنه
ومانريد بليل الاظلم
يصير شرطينه حرامي
الصبح بيريه يلبس
وبالليل تتبدل لثام
اريد مثل العالم نعيش
اريد نحلم بالشمس
وبعز بردنه
اريد قائد ...
صدك قائد ...
يمسح دموع اليتامه
وعينه تدمع للارامل
اريد قائد جاي يبني
مو يفلش .!!
مانريد انوب قائد من ورق
يجرب سيوفه المصديه
بروس ناسه !!
بس نريد ...
اليحضن تراب الوطن
ونصير سيف احنه بيمينه ّ
ومانريد اليحضن الكرسي
ويصير بس هو المناضل
اريد نحلم
اريد نفرح
اريد ناكل
اريد نلبس
انريد نرسم للوطن صوره
شكبرهه
اريد قائد مانهوسله ماننفخه
وينكلب طنطل علينه
اريد قائد كون اعيونه علينه
مو تنكلب حمره علينه
واريد قائد يكل للامريكان بره ...!
اريد قائد يضمد جروح العراق
اريد قائد
مثل ابو الحسنين حيدر
عينه ماتغفه وتنام
وبالعراق يكون جايع
واريد واريد
اريد يابو الغيث فزعه
نبني بيتنه المفلشته الحروب
انريد ياس نزرع ع الدروب


تحياتي وسلامي لك اخي الكريم
استاذي ابو الغيث حقيقة انا لا املك
الا كلمتي وها انا ارستسل هنا لارتجل
هذه الكلمات البسيطه
دمت بخير والباري
حافظك
ماجد الشاعر