رد: صور الكعبة المشرفة في إيران لا حول ولا قوة إلا بالله
ومكَلت انتي مو مسلمه هذا سوء فهم منج مو مني
ثانياً اني كًلت علم ومكانة رسول الله واته بعلمه من الله تعالى
وطبعاً كان العلم والايات القرانيه يبعثها الله مع جبرائيل وليس رسول الله (ص)
لان كليم الله فقط هو النبي موسى (ع)
ومكَلت ان الرسول هو عالم الغيب , وهذا سوء فهم اخر منج مومني
وثالثاً اني كَلتج اشكد متكدرين كرهي ايران ومحد لازمج فشلون انتي افتهمتيها مادري
وبعدين اتكَولين انتي متعصبه لصالح الايرانيين زين اذا اني متعصبه للايرانيين شلون اكَلج
اشكد متكدرين كرهي ايران محد لازمج فشلون انتي اذبين كلام في لساني اني محاجيته
ورابعاً اني كلتج اني اتعصبت على تهاونج بعلم ومكانة رسول الله (ص)
لمن انتي اقتبستي حديث رسول الله(ص)
و الموضوع انرفع قبل عددت ايام ومتعصبت وكانت ردودي عاديه ومابيها اي تعصب
بس كنت اعطي رأي فاذا اقتنعتوا او مقتنعتوا فهذا راجع الكم وثانياً اني مفرضت رائي عليكم
فشنو رائيج هسه تريدين نلغي حديث رسول الله (ص)؟؟؟ والعياذ بالله
لان الحديث امبين معاجبج بسبب كرهج لايران ولو برايج الرسول ميعرف شيكَول
ويكتب الاحاديث من نفسه وفي زمانهُ لانه ليس موجود في زماننا
والحديث ليس له وزن او مصداقيه عندج والعياذ بالله ؟؟؟؟
زين المسلمين شلون راح يستندون على كلام رسول الله في مواضيعهم من بعد
ما اذا انتي نكرتي علمه ومكانته عند الله
يعني برايج احاديثه تخص فقط في زمانه وليس في زماننا هذا
ولايجب ان نتبعه هذا الي تريدين اتوصلينا او لا ,
بلكت تتكرمين وتفهمينا اكثر حتى نعرف انتي شنو تقصدين
وخامساً انتي من خرجتي من الموضوع ولست انا
نحن نتكلم عن الصور للحجاج ايرانيون وانتي تتكلمين عن الايرانيين وماذا فعلوا بالعراق
وحولتي الموضوع الى سياسة الحكومات والقتل وخلطتي الموضوع بموضوع الاخت الكريمه البتول
اذا اترين تحجين عن الايرانيين واعمالهم اكو قسم موجود في منتدى السياسه وهناك
اعرضي موضوعك او رايك وليس هنا في منتدى العام
وانا لم اخرج من صلب الموضوع
وتكدرين تعاودين القراءه من جديد الي كتبته في ردودي السابقه
وحتى تعرفين منو خرج من الموضوع اني لو انتي.
واذا منحذف ردج السابق فهذا الشي راجع للاداره
اما عني فلن ابقى في هذا المنتدى
دمتم بخير
