مطارده شعريه بالدارمي .........

**بنت البصرة الفيحاء** · 20-04-2010

هاك اخذ كلبي وياك يالماشي لحسين
اذرف دموع العين وادعيلي بالزين

**ابو سجاد الركابي** · 21-04-2010

ناذر نذريفلان من امشي لحسين
ادعيلك انه هناك ياكرة العين
تحياتي اليك

**بنت البصرة الفيحاء** · 22-04-2010

ناذر نذر لو جيت
وتشوفك العين
أگعد أجدي اسبوع
اباب الحسين

**ابو سجاد الركابي** · 22-04-2010

نورني يابن الناس اوصلك امنين
اتعنه الك ممنون لو امشي سنتين
تحياتي اليك ارجو التواصل

**ابو علي العراقي** · 22-04-2010

مع الاعتذار0منقوول
فخخت روحي اليوم كل هذا لجلك
ولو ما رضوا ينطوك انفجر بأهلك
الكاف

**بنت البصرة الفيحاء** · 23-04-2010

كافي صرت بهواك صرت انتحاري
تفجيري " بالريموت " بيدك قراري
وتحياتي الى ابو علي ولاتعتذر حتى لو منقول اهم شي المشاركة

**ابو سجاد الركابي** · 23-04-2010

يالبيدك الريموند فجرني وياك
ما اصبر اعل الظيم يسمر بلياك
تحياتي اليك\\\\\\\\\\\\\وسلامي

**بنت البصرة الفيحاء** · 23-04-2010

كلبي نص الليل حن وذكركم
والعقل صاير" رام " يخزن صوركم
تحياتي لااخي ابوسجاد

اذا لم تكن لديك عضوية معنا, اضغط هنا لتسجيل عضوية جديدة مجانا!