ابوذيات من البصره

[سامي المشكور]

الابوذيات


عجب يفـــــــــــلان مـــــن بديت مايك

سهيت ومـــــــــا دريت شيــــاك ماياك

اذا يومين انته هــــــــــــــــــواك ماياك

آنه سنين ولفي كــــــــــــــــــــــطع بيه





حبيبك لو يحبك صدك جــــــــــــــاياك

وعرف معنى المحبة وشرب جـــــايك

اكللك واحد انته تكول جـــــــــــــــاياك

صرت دووين من هجـــــــــــرك عليه





ياكلبي على الطيبيــــــــــــــن ون حيل

واذبل من لهيب الشـــــــــــــوك وانحل

انه حزامي انكـــــــــطع يا ناس وانحل

وعكد دنياي شدتهــــــــــــــــــــن قوية





دليلك عنه هاجر مدري يــــــــــــــــانه

بسبب هجرك يظالم مـــــــــــــدري آنه

مدري الصوج منك مـــــــــــــدري آنه

عفتني لا تذب الصـــــــــــــــــــوج بيه





لا تعتب عليه اليوم منــــــــــــــــــــطر

وصبح كلبي بسبب فركاك منـــــــــطر

لا لتظن عجيبه الفيل مـــــــــــــن طار

بس اعجب عجيبة اترد علـــــــــــــــية





شيشني زمـــــــــــــــاني وجار شيشين

ولا عمري حجيـــــــت وياك شي شين

أخبرنك ترا المعــــــــــــــــلاك شيشين

جملهن كبـــــــــــــــــــــــاب ورد علية





يا دنيا بعطر مخلوط سمـــــــــــــــــاج

وحكيم اللي خسيسة طبع سمـــــــــــاج

تالي الوكت صرت اشتغل سمـــــــــاج

جا حكة السمج يضحـــــــــــــــك علية





دليلي ما زعل منك ولا اكتـــــــــــــاب

عرف ذنبه ونسه همه ولك تـــــــــــاب

وصلني صورة من عندك والكتــــــاب

الكتاب شمنفعه من غـــــــــــــــير جية





زماني افتر علية بضيــــــــــــج واندار

وتكوه اعلى الرجيج الحـــــــــال واندر

رضيت وهم درت ويــــــــــاه وين دار

قشمرني ولــــــــــون دايــــــــــر علية





بجيت ودمع عيني اعليـــــــــــــج ودج

ياهو اللي على الشمــــــــــــــات وداج

ما همني الركص بطـــــــــــران والدج

بس همني صديجي الخــــــــــــــان بية





عجيبة الناس شو ظلت بــــــــــــلا دين

وحياتك ما دريت اهيه بـــــــــــــلادين

يهنياله الطلع منهـــــــه بـــــــــــلا دين

ويا فكرة الطلع عامـــــــــــــــــل ردية





افرشت عيناي لجل الزين مـــــــــــندر

وما غزر دمع هالعيــــــــن مــــــن در

أشوفنه عجب هاليــــــــــوم منـــــــدار

فكره وما أظن يرجـــــــــــــــــــع علية





هـــــا طر الكلب هـــــا فطر هــــامات

ونه روحي على الطيبين هـــــــــــامت

بجيت وبيضت بالشيـــب هـــامــــــات

كل واحد سمع بالصــــــــــــــــــار بية





رسايل شوك صوب هواي وديــــــــت

ودفعت فصول لهل الولف وديـــــــــت

على فراش المرض هالساع وديــــــت

تحضرني وتغمض العـــــــــــــــين لية

(( منقـــول / للكاتب جكليته بصراوية ))

ارجو كتابة كلمة منقول للأمانة الأدبية ومنعا للحذف لاحقا

[خليل الشرابي]

ولك تسلم أناملك نقشت من قلبي دود والله
أستمتعت جدا وانا أقرأ الأبيات
كل الشكر للك يا عزيزي تقبل مروري بأنتظار المزيد
أخوك الشرابي

[ام فيصل]

صح لسانك عزيزي
والف شكر لك على روعة هذا الاختيار
دام لنا هذا الابداع والتواصل وجميل الاحساس
مع اطيب تحياتي لك

[سامي المشكور]

شكرا اخ خليل
نورت موضوعي

[عمار الغزي]

صح لسانك اخي سامي وعاشت الايادي
التي ابدعت بنقل الجميل والرائع
تقبل مروري

[السومري71]

زماني افتر علية بضيــــــــــــج واندار

وتكوه اعلى الرجيج الحـــــــــال واندر

رضيت وهم درت ويــــــــــاه وين دار

قشمرني ولــــــــــون دايــــــــــر علية

جميل ما نقلت اخي سامي
تحياتي لك

[سامي المشكور]

اخي عمار
شكرا لمرورك الراقي جدا
لك خالص ودي

[سامي المشكور]

اخي السومري 71
شكرا لمرورك
تقبل تحياتي