قصيده للشاعر رحيم المالكي الله ايرحمه

**شهوده** · 06-10-2007

- مو ميت عدل واكبالي اشوفك دوم
  واتامل رحيم لغيبتك رجعه
  
  ماصدك غفل يوليدي عني تروح
  مستعجل تريد فراكنة بسرعه
  
  كدامي القلم كل ساعة اشمن بيه
  بلكي عله القلم نيشان من صبعه
  
  وشكد ذكريات مخلي عالاوراق
  وحجايات حلوة ابالي متجمعه
  
  نقره بدفترك حد ماتطيح عيون
  والبوم الصور نشتاق ونطلعه
  
  عيني عللدرب من ربعك يردون
  اكولن بلكي اشوفن جاي وي ربعه
  
  ويطول انتظاري او وكفتي عللباب
  عين اتاني تبقه وعين بالدمعة
  
  راح التعب يمه وذاك سهرالليل
  لاجني صدك ربيت وأمرضعه
  
  لاجني ابمهد هزيت الولي عليك
  يبني ولمن تمرض قلبي اتصدعه
  
  طكتني المصايب واوجرت وياي
  متعنية وعلي بيبانهه مشرعه
  
  يومية انلجم يومية عندي مصاب
  وانه عله المصايب مالي كل جرعه
  
  شريد انسه ييمه منيلي النسيان
  هو الجرف ينسه الماي ويودعه
  
  يوليدي العراقية تسولف بيك
  لمن تذكر اسمك كَلبي اتكطعه
  
  تبقه عيوني تربي مكابله الشاشات
  بلكت صورتك لو صوتك انسمعه
  
  ظلمة ليل صارت دنيتي بلياك
  يلحارك حياتك للوطن شمعه
  
  انته وكل شهيد الطاح وفه الكاع
  ياسيف العراق او مهرته ودرعه
  
  اقنع روحي يمكن لو كلت انساك
  بس كَلبيي الدفنته وياك شيقنعه ؟
  
  رحم الله شهداء العراق

**ارشيف الفرات** · 06-10-2007

رحم الله رحيم المالكي وادخله فسيح جناته

مشكووووووووووورره

تحياتي

**العراقي الطيب** · 06-10-2007

اختى العزيزة هذه مو لرحيم المالكى هذه لآأمه هية التى كتبتها والقصيدة منقولة بالمنتدى ارجو كتابة منقول تحت الى تنزليه بالمنتدى منعا لالااحراج وتحياتى الك

الدنيا علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي اعله الهوية