دارميات تخبل لعيونكم
والله حرام عليك لا تعت بيه ... يوم الفراك ايصير جنة المنية
كحل العيون ايصير يوم الاشوفك ... ما اكدر ابلياك لتظن اعوفك
مثل الخرز بالخيط صرت انا بيدك ... مو ذنبي ذنب الروح هي التريدك
جاوينه ذاك الكال الخوه للضيج ... مرة عليه ايام تنشف الريــج
كل جرح والله يطيب بس جرحك أنته ... جاري يظل يعراق تشخب طبرته
والحمزة والعباس واثنعش ايمام ...شيبت وانة زغير من جور الايام
هاي البدايه و هيج التالي شلون ... رايد سند ياناس ادعولي اتهون
ازرعت ورد الطيب وسكيته دمي ... تالي انكلب عاكول جا شنهو ذنبي
باخر نفس مخنوگ واتمنى اشوفك..... وأعذرني بس الموت يجبرني أعوفك
اليوفي مثل الثوب تصبح رفگته .... كلما قديم يصير تكثر معزته
لو عمري أخلصه أبأه لا والله منساك.... ولحد مرار الموت فكري انا وياك
أحلف الك يفلان بالخلق معناك.... مالحظه گلبي اتفوت يغفل وينساك
لامن بخت موجود اعوج نصيبي ... لامن اخو وصدگان لامن حبيبي
ماضنتي الخوان تتبره مني ... حسبالي عندي أمعين لو كبر سني
جف دمعي من الظيم مولحت عيني ... أعمه اصبحت ماشوف كل اليجيني
ثق واعتقد جنيت من فارگتكم ... ومن أدخل بصفنات گول اذكرتكم
يكثر ونين الروح من يگبل الليل ... مل مني سابع جار واتعمد يشيل
جزعت حتى الثوب من دمع عيني ... صدگ ولافد يوم يبطل ونيني
أحفر على الوجنات نهر من الدموع ... ولفرگتك يهواي لحنيها الظلوع
الخوه خوت روح مو خوت اجــروح ... وبصـوته ون بليل لو صوتك يروح
الخوه خوه اشلون ماردت اخـــوتك ... لو عله جرح تيزاب وتمنه مـــوتك
ليل الشتا يهواي اثنعش واثنين ... كضيته بالحسرات وبدمعه العين
انهجم بيته النام واغمضت عينه ... ساعه على ساعه ايزيد نوحه ونينه
لاتظن عيني اتنام واطبك جفنها ... مثل التنكط الماي لوحيد ابنها
كلما يصير الليل يطرن احزانك .. عين العمه ولاشوف خالي مجانك
مانمت ربع الليل نشدوا المخده ... والدمع اصبح سيل للركبه حده
متحزمه بحزامين كل لطمي ويلي ... اطبك نهاري اوياه من يكظي ليلي
مابيه اون ونتين ليلي ونهاري ... من كثر نوحي اعليك ملاني جاري
ذب لك مخده اونام بين الشعايع ... دكان الك بالروح يشري ويبايع
هاك اخذ هاي العين عين التصدليك ... طمها ابجليل تراب جي صدت عليك
ضميته وسط احشاي عن لايبوكوه ... ثاريهم ابناظور بالكلب شافوه
الكلب لمته ونام شينيم العيون ... يبجن وهمه هنا لو شالوا شلون
جنت انة ازامط بيك واترجة عونك ... اصبحت كلفة عليك كلمة شلونك
الرد
مو كلفة لا يفلان وعيونك انتة ... بس كَلبي يالمحبوب بيدك شلعته
المدرسه البيها هواي احلى المدارس ... افرح لون بالباب خلوني حارس
كون المدير يكول درسهم انته ... اشرح خمس ساعات بس عن كذلته
الطالبات انجوم وانتي گمرهن ... لشوفتج فدوه يروح عمري وعمرهن
يا حلوة الحلوات نتلاكه يمته ... هو العمر شيفيد من يكضي سكته
اول اريدج دوم عالصف تطلعين ... وحالف قصيده اهديج كلما تنجحين
هاج الكلب اخذيه دفتر للدروس ... وعيوني من تقرين سويها فانوس
خابرت ست مرات طلعتلي امج ... قررت من هاليوم ما راح اكلمج
بالسگم والآهات عمري ابتديته .... صفنه اصفنت فزيت خلص لگيته
چم حسبه بيه اشلون كثرة من اعدهن.... ومامش ظرف مكتوب يحمل وأدزهن
شكد اتعبت مليت من الوكت حيل ..... وگمت أنه أشوف الموت لو چلچل الليل
يادهر كافي ارجوك كف كافي مني .... خلصت عمري أنياح ماضحك سني
لاللسمه أتعليت لاصرت للگاع.... الدنيه هاي تخون بس تغفل بساع
ناشدت ماخليت حتى البلمهاد.... ليش الصديج يخون من ياكل الزاد
رد مع اقتباس
