اقتباس المشاركة الأصلية كتبت بواسطة العنـــود مشاهدة المشاركة
الله يحييك ياالطيب , والنور نورك ونور الإخوة المشاركين

يعني وشلون ممكن يدخل الرجل العراقي المطبخ مثلا ؟

اسعد الله اوقاتكِ واطيبها
عزيزتي العنود اكو حكمه تكَول اسئل المجرب ولاتسئل حكيم
وبالاخص اذا كان ممتزوج مثل اخونا الحر
ههههههههه
عزيزتي العراقيين معروفين عدهم سياسه حلوه وهي :
بأول سنه من زواجهم تلكَينه يدلل بزوجته ويشيلها على الراس
تكَولين ماكو مثلهم يعني يارض هدي ما عليكي
وبعد ميجي الطفل الاول والثاني على الدنيا ويبدأ الواق والويق
يبدا الرجل العراقي يسحب نفسه شويه شويه من المسئولية البيت حتى الزوجه متحس بهذا الشي وحتى يعلمون زوجاتهم شويه شويه على ان هاي المسئوليه على عاتق الزوجه مو هما ولازم الزوجه تتقبل هاي الوضعيه.
ويكَوم يستخدم لغة احاجيج ياعمه واسمعي يجنه
على انه رحت بيت صديقي فلان شفنا زوجتة شلون مره شاطره وشايله شغل البيت كله والله بنت ناس اصل وزوجها يمدح بيها
ويكَول خطيه هالمره شايله مسئولية البيت كلها عليها وهي راضيه ومتشتكي لو هيج النسوان لو بلاش
الله الاعلم صدك لو جذب
وعندهم سياسه اخرى وهي المدح واللسان الحلو مع زوجته
بحيث يخلي الزوجه تسمع كلامه وهي الممنونه
ههههههههه




فاذا حبيتي تتورطني وتتزوجين عراقي فاهلاً وسهلاً بأنضمامك معنا فهذا الموجود الي عدنا وحتى لاتكَولين ملكَيت ناس ينصوحني
ولقد اعذر من انذر