ماعوفك چذب

[ام علاوي]

ماعوفك چذب

اسكتهن ويبچن ..
والدموع الوان ..
عيوني وعالبواچي ..
مالهن ثاني ..
شلت بيدي الجمر ..
والحرگة احس بالروح ..
ولا گلت لشماته ..
الجمر چواني ..
اطحن قهر والهم ياكل ويه الروح ..
منشوفن ذكرياتك ..
فوگ حيطاني ..
عفتني ابليل وحدي ..
والطريق طويل ..
تيهتك ..
وجرحي اعليك دلاني ..!!
ماعوفك چذب ..
والگالك چذاب ..
ولا تگدر حبيبي بيوم ..
تنساني ..
من تضحك ..
تردك ضحكتك للشوگ ..
ومن تحزن ..
تشوف ابعينك احزاني ..
اسرارك ابگلبي ..
وما بحت فد يوم ..
ولا گدروا عليه ..
وباگوا لساني ..
ضميتك جرح ..
واتچه عالاحاه ..
وامكابر ضحكت ..
اگبال عدواني ..
من تيهت روحي ورادوا يدورون ..
اجو يمك ..
لأنك انت عنواني ..
فرغت سلتي ..
وماظل اليه متاع ..
ما حنيت .. وانته ابوسط بستاني ..
حاطتني السيوف .. ويمي صار الموت ..
وانت ابعيد گاعد ..
گلي شمتاني ؟؟
ما ظن قصرت ..
والعشرة صار اسنين ..
ورهمت اعله بردك ..
طبع نيراني ..
بعدك بالگلب ..
متربع ومرتاح ..
وعطرك لسه اشمه ..
ابين قمصاني ..
يالنايم ..
عيونك ما تمل النوم ..؟
وآنه اعله السهر ..
متعوده اجفاني ..
بدموعي رويتك ..
همي بس تصير ..
عفت زرعي وتركته ..
وذبلت اغصاني ..
سألوني عليك ..
وجاوبت الدموع ..
اسكتهن ..
ولكن غلبن لساني ..
عرفوا كلشي بيه ..
وكشفوا الاسرار ..
لأن حبك لوحدك ..
هو بچاني ..
عشت وياك دنيا ..
ويوم ياكل يوم ..
سجين ابقفص حبك ..
وانت سجاني ..
ابرد ثلج يمك ..
واستر المضموم ..
اخاف اعليك من نيران بركاني ..
دليت الفرح من شفته يمك چان ..
اجت يمي الاحزان .. وهو ماجاني ..

...................

مماراقني

[الشاعركريم السلطاني]

تسلمين ياام علاوي على هذة القصيدة الرائعة كروعتك
السلطاني

[ام علاوي]

يسلملي مرورك يالسلطاني
نورت موضوعي استاذي
اتمنى ان يدوم التواصل
لك باقه من الجوري

[المهندس علي]

جميلة هذه القصيدة ورائعة
يا ام علاوي كانت تحوي شجن
وروح العاطفة وشوق عميق للحبيب
الغالي تمتعت بها كثيرا وعدت
قرائتها اكثر من مرة كانت ذو طابع
حزين شكرا لنقلك واختيارك الناجح
راقت لي كثيرا القصيدة كما راقت
لك يا صاحبة الذوق الرفيع
تحياتي لام علاوي

[ام علاوي]

المهندس علي ... الغائب الحاضر عني مواضيعي
اهلا بك من جديد تنور سطوري بأشراقتك الرائعه
الف شكر لعذوبة كلماتك التي اضافت لموضوعي عطرا مميزا
كن بالقرب دائما اخي الطيب
لاحرمني الله من روعة تواجدك
لك تقديري المستمر واحترامي الابدي

[المهندس علي]

المهندس علي ... الغائب الحاضر عني مواضيعي

اهلا بك من جديد تنور سطوري بأشراقتك الرائعه
الف شكر لعذوبة كلماتك التي اضافت لموضوعي عطرا مميزا
كن بالقرب دائما اخي الطيب
لاحرمني الله من روعة تواجدك

لك تقديري المستمر واحترامي الابدي

ام علاوي الطيبة الغالية
اقول لك بكل صراحة انت رائعة
بمعنى الكلمة واختياراتك في المواضيع مميزة
والكل يشهد ذلك ولكن اعذريني انا لانني اصلا
دخولي هليام قليل في المنتدى بسسب مشاغل العمل المتعب
وانا احس باني مقصر ارجوا ان تعذروني جميعا
واعتذر مرة اخرى منك يا طيبة
المهندس علي

[ام علاوي]

الف شكر لروعة مشاعرك الصادقه يابو حسين
يسلملي هالمرور وماانحرم هالطله الرائعه
تحياتي لك وتقديري

[ام علاوي]

شاعرنا المتألق حسام الصياح ... اسعدني مرورك اخي الغالي
فأنتم اهل الابداع ومنكم نتعلم
شكرا للاطراء المميز فهذا وسام يستحق التعليق
لاعدمت تواجدك استاذي
تحياتي واحترامي المستمر