زهيري
يمه رمانه الهوى وحيلي بده محلل
ونا بلگلبي سعرت ما شافهه محلل
ناديت ولفي تعال بشوگ وامح اليلل
واكرب عليك النبي والواحد الاحد
وزيح هم اللبده من الاثنين لللاحد
وانه ييمه ان متت لا تتهمون احد
جتالي ذاك الترف ماهوب ومحلل
****************************
****************************
عيونك سهام نبتن بگليبي ومخالف
وضليت اون بعبره حجاز ومخالف
وشلون املك هم سمعت مي خالف المجره ورجع بلعكس رد وصعد راسي
حبك حبك جتلني وغرامك بلگلب راسي
اريد بس لومتت توجب عند راسي
وتكلي احبك ولو بلجذب ميخالف
*****************************
*****************************
الدهر ياصاحبي وياي خواني
ينكص عددهم شماعديت خواني
ويومن تنخيت محد كال خي اني
ربعك صفولك عدى وكتك صفى مصلحه
سله بغيابك لوصار كبلك مصلحه
ولو سو تفاهم بدر وي صاحبه مصلحه
وينساك لوتفرش الجفين خواني
**************************
يا صاح لفني بقميصك لو لفاني البرد
ادفه علصدرك يلو جامن عليه البرد
طول فراكك ولا بردت كلبي برد
ما صارت اوصاف حسنك بس عند يوسف
كربك فرحتي وبعدك يا ترف يوسف
دكيت حدر الضلع مدري رمح يو سيف
ناحل تراني صرت باردني شوكك برد
***************
كالوا من النوح بيبي العين منك صفه
كضيت عمرك ولا شفنه غديرك صفه
كلت العشك زين لو كلب التحبة صفه
ويخلا من الهموم ويرد من مشيبة فتى
فرق البلسنين مو عيب وغلط من فتى
كالت انا اهواك لو انك شباب وفتى
ليغرج الشيب انتي اكبر وحق الصفا
******************
اللي سلب مهجتي يا زين هو انت
وفراك اهلي على فركاك هونته
الصبر بجفاك يا مزيون هونته
اللهم بكفي ثلث مرات وصفولي
من حيث انت البكو بالكون وصفولي
ارد انشدك علعشك بالله وصفولي
اني بعذاب وحزن والظيم ها وانته
*****************
منقول
رد مع اقتباس
