معدنــك فـــافـــون

معدنك فافون

ظل ابغرورك يالضميرك مات ما الومك بعد يفلان من تغتر

لان طبع اللئيم اعلى الشماتة ايعيش وعلى اجروح الضحية ايگوم يتبختر

ظنيتك اصيل وراضع امن النوگ رابي ويا الگصب والهور والعنبر

طلع ظني خيال وهم چنت غلطان غشاني الصبغ واللون والمظهر

صحيح انت انيق وبعدك اصغيرون بس لا مو صحيح اتگوم تتكبر

واذا نسبة جمالك وصلت 30 غيرك عبروا التسعين يمعثّر

مو يوسف تراك ولا صرت بلقيس ولا كلمن يمر اعليك يتبسمر


بس نزوة شباب ونزوتك طاغوت صارتلك صنم يغريك بالمنظر

لاتعبد جمالك لاتروح ابعيد واترد لهبل واللات لاتكفر


احذرك من غرورك لاتزل وتطيح گزازه انت رقيقه ابساع تتكسر


اني اللي عجنتك واعرف شما بيك بس المايعرفك زين خل يحذر

غلافك من ذهب بس

معدنك فافون وچثيره ابلمعة الباكيت تتقشمر

لا تخفِ الحقيقة ابثوبك اللمّاع واضح والدجل مكشوف ما ظل سر


علاقاتك چثيرة وادري لك عشاگ بس كلهم نوو وياك نية شر


ما عدهم صراحة ولاصدگ وياك يعوفونك وحگ عيناك بس تعثر


على كيفك تهدّه ولاتبيع وياي بوزاتك تراك ابهاي هم تخسر


رد اعلى اوليتك وانعل الشيطان سمح كلش چنت حباب ومعتبر


شجاك اتخبلت تكشخ بدون اسباب شايل خشمك اعلى الناس من اتمر


چنت مثلك حلو بس ما بعت بوزات لان ادري الدهر چتال من يغدر

لان ادري الدهر چتال من يغدر


مما راق لي كثيرا هذه القصيده

فقلت انقلها لكم

وان شاء الله تعجبكم

[ام فيصل]

الله الله الله عليك يامبدع
وماننحرم هذا التذوق في الإختيار
احسنت وصح لسانك عزيزي
كلمات جدا جميلة ومعاني رائعة
كل الشكر لك ولروعة مدادك الناقل لكل ماهو جميل

دمت بكل الخير

والله عليك على هذا المرور الجميل

الله لا يحرمنا هذه الطلة الحلوه

تحياتي لك عزيزتي

[بنت البصرة الفيحاء]

الله الله نزف جميل ممن هو أجمل وأروع منه أخي الزيرأيها العزيز
فلتعذرني فليس لي القدرة أن أشكرك على ماقرأت لأن الحروف تعجز
عن ذالك وهذا ليس بغريب لأن حروفي بحضرت حروفك تضيع لكن لابد أن أقول
أنه إن كان للإبداع معنى فهو أنت يااخي
تحيات اختك بنت البصرة

[احلاهن بطة]

علاقاتك چثيرة وادري لك عشاگ بس كلهم نوو وياك نية شر

ما عدهم صراحة ولاصدگ وياك يعوفونك وحگ عيناك بس تعثر

على كيفك تهدّه ولاتبيع وياي بوزاتك تراك ابهاي هم تخسر

رد اعلى اوليتك وانعل الشيطان سمح كلش چنت حباب ومعتبر

شجاك اتخبلت تكشخ بدون اسباب شايل خشمك اعلى الناس من اتمر

اللة عليك يا مبدع واللة عاشت ايدك على هاي القصيدة الجميلة وعلى هذا الكلام الي يوكع على الجرح تقبل مروري

جميل جدااااااااااااااااااااااااااااااااااا

[ملهمة الشعراء]

الله الله يامبدع قصيدة جميلة جدا
تقبل تحيااتي

[الشاعر احمد الشويلي]

احذر يالشلت خشمك عله الناس
واذا معدن صرت يعدمك تيزاب
واذا هاليوم خطارك يغروك
باجر تنهجر محد يدكلك باب
انزل وانحني واتعواضع ويالناس
واعرف قدرك ولتغرك الأنساب
أمس أعرف أمير الفقر طاغي عليه
ومتواضع كضة دنياه داحي الباب

روعة لهذه المشاركة نتمنا لك دوام الأبداع والتفوق