اروف جروحي بدموعي . للحوراء ع . للشاعر foraten.net/?foraten.net/?foraten.net/?foraten.net/? رفيش

اريد اسال يشيعة والســـؤال اجبير وجمرة هالسـؤال ابكلبي من اســنين

اذا اركان الهدى ابطبرة علي انهدمت واهتز العرش من طاح ابو الحسنين

جا شنهو انهدم من طاح ابو السجاد وشهتز بالطفوف بيوم ذبح حســين

*******

رســـم فكري جواب الهَدْمَتْ الأركـان *** وبهز العرش من طــاح ســيف اللــه
وضحلي الرسم من طاح ابو السجــاد ***بنة اركــان الهـدى من طيحته بسماه
ومن هاي الصور بانت معاني الديـن ***ثبت بيه العرش من سيل فيض ادماه

*********

(( سيف من الصبر صغته ))

تعدن من عمرنا ايام تبني جــــــروح *** من خيط الحزن يوم الجدم مجتوف

وعفنة اعلى الثرة تاريخك البســـيف *** نحرك ياشهيد الحز ركاب اسيـــوف

وعكدنة احنة الصبر بالدمعة للايتـام ***لان راسك يصد أنـة ابفخر ويشـــوف

وحبل هم الوكت من ضاك عالجفيــن *** جفين الحبل صارلة موضع خــوف

ذاب اعلى القهر من سمع ونة اتصيح *** يـــاعباس خوية انشدت انه جفوف

وانة ام الخدر زينب يمـــــاي العيـــن ***حرة مخدرة واخيالي ما مكشـــوف

لكن لاتهم يــــا ابـــالفضل عالصــــار *** انة الحيدرية بت علي المعـــــروف

اسل سيف الصبر بجروح مـــاتنقــاس *** وارسم كربلة كعبة ونجيها انطوف

وانحبلك دمع يا ابـــالفضل بعيــــون *** واروفلك نهر بحزانة تنعة اجـروف

وانطيك الدليل اباربعين حســـــــين *** حتى الكاع خوية ويانا جت ازحوف

---------------------------------------

خادم اهل البيت عليهم السلام

foraten.net/?foraten.net/?foraten.net/?foraten.net/? رفيش

الله الله شكرا لك يا مبدع نطمع بالمزيد من ابداعك اخي

[ام فيصل]

احسنت
وبارك الله فيك على روعة هذا الاختيار
قصيدة جميلة
جزاك الله عنا كل خير وجعلها في ميزان عملك
مع تحياتي لك وتمنياتي لك بالتوفيق الدائم

شكرا لمروركم احبتي ودمتم بالخير انشاء الله ..... تحياتي