رادوني البس وجه مو نفس وجهي وياك
ومااركض الجيتك لاافرح الملكاك
ورادوا كبالك اجي وي غيرك ايد ابيد
ومن تكرب علي ابعد واروح اهناك
مدري شجاني اقبلت غرني الحجي المعقول
وصدكت روحي وكلت هاليلة اريد انساك
كالو حبيبك اجة فزيت من الصوت
وحسيت كلبي ركض من سمع طرواك
اتمشيت خطوة وطحت بس طحت طيحة موت
وشفتك تصب الدمع وتصيح عد عيناك
الغرني ضدك مشة وما مد الي اجفوف
ومن دون كل البشر شالتني بس يمناك
لا والذي خالقك لا والذي سواك
مايسوى لحظة العمر لوما اعيشة وياك


الله عليك
وعلى هذه الكلمات التي لامست الروح بجمال معانيها
رسمت هنا صورة توهجت روعة ببقايا حزن وسحابات امل
امتزجتا معا لتعطينا لوحة تنطق معلنة حقيقة المقولة التي تقول

(( ماتعرف خيري لما تجرب غيري ))

كل الشكر لك ولروعة اختياراتك عزيزي
وماننحرم هالعطاء الدائم والرقي في الإنتقاء