أنتي مرة بهل العمر وحدة تجين (أمي) ساهر الماني

رغم خطورة موضوع (الأم)

لكني حاولت!

دكت اكليبي تدك اتلث حروف
كل حرف الله خبطهه بطيني

وأجمعن بعيوني وبعيني تعال
شما تباوع تلكه أمي بعيني

وانه احس الجنة مضمونة بكفاي
من تصير جفوفه بجفيني

أمي يافكرةالتشيلج بالعقول
وياعقل يكدر يشل افكارهه

أمي عز الخير في وكت الحصار
العوز يمه وبده يوصل دارهه

وماشكت لا بالعكس رحبت بيه
كسرت عيونه وصبح خطارهه

الله وصه بسابع الجار الاخير
وامي عدهه الدنيا كلهم جارهه

وجار ياماجار في هذا الزمان
وهي وحدهه تصون صغارهه

وهسة شيبت واحنة كبرنه الزمان
وردت اردود وتداري كبارهه!!

امي حنية وبرائة وكبرياء
وكل امان بعين الي يلاكيهه

امي دولة وعلم دستور وحقوق
وكل قوانين الظلم تلغيهه

حتى ربك كلش يقدسة حيل
تبرع بجنتة تحت رجليهه

امي وكت الفرح بس تنزف دموع
تشوف وكت الحزن شدت حيلهه

جبل للكلفة ومرار الدنيا هاي
تميل أكبر ظيم بس ميميلهه

امي حتى الطير ياكل منه خير
والفخاتي من الصبح تدعيلهه

تسهر اعله الحسرة وتصبح رماد
وجفون عدهه اتخاصمن وي ليلهه

كلمة أمي اتحير انواع العقول
وألف عالم حار في تحليلهه

لازم احنه بكل فرض وبكل دعاء
بكل خشوع الربنا بس ندعيلهه

احنه مانوفي ولا نوصل جزاج
والله كل الكون مايوفيلهه

انتي مرة بهل عمر وحدة تجين
ساعة تمشي شما نوكف ميلهه

بقلمي المتواضع

ولكم الحب

</I>

[ام فيصل]

امي وكت الفرح بس تنزف دموع
تشوف وكت الحزن شدت حيلهه



جبل للكلفة ومرار الدنيا هاي
تميل أكبر ظيم بس ميميلهه



امي حتى الطير ياكل منه خير
والفخاتي من الصبح تدعيلهه



تسهر اعله الحسرة وتصبح رماد
وجفون عدهه اتخاصمن وي ليلهه



كلمة أمي اتحير انواع العقول
وألف عالم حار في تحليلهه


الله عليك
وعلى هذا المداد الرائع والنابض حنان وعذوبة
الف شكر لك عزيزي
وصح لسانك على روعة هذه الأبيات وجمال معانيها
دام لنا هذا النبض العراقي الحزين
وماننحرم هذا الحضور
مع تحياتي لك عزيزي

[امير الاحزان:]

سلمت اخي لروعة ما كتبت هنا

هي الام

مهما كتبنا ومهما تحدثنا ومهما انشدنا

وبأي لغة تكلمنا ..لم نفي حقها ابدا"

دام لنا نبضك الرائع

فائق مودتي

[ملهمة الشعراء]

الله الله قصيدة روعة وجميلة جدا
سلمت يداك
الله يحفضلنا امهاتنه_ امييييييييييييييييييييييييييييييييييييين

يمه اليوم اجيتج لان باجر عيد وعيد ابلايه وجهج ادري ياذيني
لوادري الكبر يبعدني عنج دوم اتمنه ابقى جاهل يمه اعذريني
وفز من نومي اصرخ لون رحتي ابعيد وبجي عليج وسكت من تحضنيني
بكبر كلمة اليمه يمه الج مشتاك بكبر دمعاتي ذني الفوك خديني
بكبر حزن الخنكني وترس هذا لبيت بكبر كلمات شعري الماتواسيني
على اجفوفج عمر طشيته حفنه اوراق وطبعت صورتج كل ورقه بسنيني
اجذب خبر موتج حتى اصبر الروح ودور بالغرف بلكت تلاكيني
وشوفاً صورتج مدكوكه عالحيطان وحاجي ابصورتج بس ماتحاجيني

عذراً القصيده طويله الشاعر فارس العيساوي