ابو ذيات عراقيه
اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه
صبابة اللك وحدك نصبها
محاجيك عسل عالمر نصبها
الكلب كم سيطرة بروحي نصبها
غيرك مايمر لومو هوية
اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه
عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه
جنت وباك واحد منتقسم
راضي بحصتي منك من تقسم
عرفت شلون تغدر من تقي السم
من حلك الافاعي وجبتة لية
اسف بغداد من عالي هويتي
حره شلون للغاصب هويتي
على اسوارج غرب شگو هويتي
شلت طينچ صفه بجيبي هويه
تعال احسب بهمي عده انته
وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه
تحياتي
عاشقة المستحيل
منقــــــــول
ارجو الاطلاع على هذا الرابط للأهمية منعا لحذف المواضيع لاحقا
رد مع اقتباس
رد: ابو ذيات عراقيه
