السلام عليكم
غاليتي عراقيه غيورة
حياج الله والله لوفائك وحبك لهذا الصرح لاامنا العزيزة
غاليتي الي اعرفه ان امنا ووالدتنا ام فيصل في اجازة الان
وان شاء الله ترجع سالمه غانمه لربوع الفرات قريبا
متنية لها دوام الصحه والعافيه


واحب اهديلها هذه القصيدة


لغاليتي ونور عيوني ام فيصل


على بالي ييمه اشلون أنساچ
وشينسي البلابل فضل العشوش
وانه بلبل ربيت ابعشچ سنين
وأذا أنسه حليبچ يعني مغشوش
دللو يل ولد من صحتي لليوم
لحنهه ابالي يمه صدكي منقوش

دللو يل ولد نام ابدللول
غريبه اعداك يمه وسكنة الچول

وتدكين اعله راسي ابأيدچ ابطيب
وعلى رجلچ ييمه اتغمض الارموش
ومشت بيه السنين اوصرت رجال
وادي طالت ييمه اوكامت اتنوش
واعرفت الفخر لنخله معلوم
التمر منهه الفخر مو فخر ألأيطوش
الورد كلش جميل ايحلي الانظار
لاكنه الفخر يرجع للهروش
وشتسوه السلال ابغير الاعناب
وشيجيب الاعناب ابغير الايحوش
الشيوخ اتحل مشاكل كلش اكبار
بس ما تكدر تحل ابغير الاطروش
الدغل يظلم أرض فلاحه وتصير
جنه مو أرض لو هو محشوش
الحوش اشما كبر ما يسوه والله
من غيرچ ييمه أظلم تره الحوش
يا نخله اوهرش يا شمعة الدار
يطروش الشيوخ اوعنب محيوش
يا أرض النضيفه ابغير الادغال
ما أنساچ يمه اورب العروش

للشاعر المبدع احسان القريشي اهديهيها بدموعي الى امي ام فيصل