إنت اللي يعرفك ما يدانيك (4)

محاولة متواضعة أخرى آمل أن تنال استحسانكم

إنت اللي يعرفك ما يدانيك
بس آنا البقيت وياك صاحب

عافوك الرفاگه وصرت مفرود
وماظن تنفع وياك التجارب

چم مرة الأنصحك ما نفع بيك
وچم مرة الأسألك ما تجاوب

أسالك عن ضميرك عدل لو مات
واسألك ليش بس تجني المتاعب

واسألك عن لسانك بعده ما طاب
مريض وما عرف غير السبايب

واسألك ليش گلبك بعده أسود
ومعروف انت من نسل الأطايب

عجز عقلك يفرق بين عدوان
وبين الدوم الك چانوا حبايب

واسألك بعده راسك شابع اوهام
يمزج بين أغراب وگرايب

هذول اهلك هذوله رفعة الراس
عونك همّ ساعات النوايب

وربعك همّ ربعك ساعات الضيج
جسد واحد يصد موج المصايب

صحيح الناس مو كلهم مواثيق
ولا كل البشر طيب العواقب

بيهم يمسح بچتفك ويداريك
وبيهم يزرع بظهرك مخالب

رغم كل هذا عقلك خله مقياس
لأن طبع العقل راجح وغالب

مع أعذب التحايا

[امير الاحزان:]

ولك اعطر واعذب منها
ورائعة جديدة اخرى من روائعك
تحمل في طياتها النصح الكثير
وعبرة لم استعبر

لا حرمنا هذا المداد الذهبي
لك كل التقدير والاحترام

[ام فيصل]

صح لسانك
وعاشت ايدك يامبدع على جمال وقيمة هذه الأبيات
دام لنا هذا المداد الناصح
ودمت بكل الخير
مع ارق تحياتي

أخي الفاضل أمير الأحزان....

أختي الفاضلة أم فيصل ...

أنتما رائدان من رواد هذا المنتدى المبارك
وكم نحن في أمس الحاجة لجميل طلتكما

حفظكما الله ولا حرمنا من مروركما

[الغربه]

هذول اهلك هذوله رفعة الراس
عونك همّ ساعات النوايب

وربعك همّ ربعك ساعات الضيج
جسد واحد يصد موج المصايب

احسنــــــــــت اخي الكريم
وباارك الله فيك بدايه موفقه

عنجد بجنن وعجبني كتيرررررررررررر حلو