ابوذيااااااااااااااااااااااااااااااااااات...ومضااا ااااااااااات

**سهر** · 08-01-2010

الدهر بجفاك كطعني فقط لاك ..

واصابيعي قلم بعدك فقط لاك ..

دمعي يسيل ..

حلم ثكيل ..

اظل اهواك ..

ما انساك ..

اصيح بصوت ..

احبك موووووووت ..

ارجع والكلب رادك فقط لاك ..

تطول بغيبتك وتعم عليه ..

.................................................

كل مالي وحلالي مالك انت ..

ودمع العين اعله بابك مالك انت ..

اكت الروح ..

من تروح ..

اظل مجروح ..

كون اهواك ..

اظل وياك ..

قصدي الناي صيح مالك انت ..

تعال اعزف بروحي وهاي هيه ..

.................................................. .....

صحت بس صوتي ردلي منصحتلك ..
وابد لتكول عني منصحتلك ..
تدري اشصار بيه من صحت لك ..
احس اجاوزت كلش عليه ..

.................................................. ...

اجذب الكال عنك مره شفتك ..
العسل لسه بشفافي من رشفتك ..
الحذر لو ويه غيري مره شفتك ..
انتحر بيك واموتك بين اديه ..

.................................................. ....

بنار الهجر صدك ما يعاني ..
ونشف من كثر دمعي ما يعاني ..
تريد اتشوف كلبي ما يعاني ..
مد ايدك جهنم تلكه بيه ..

.................................................. ....

يون صوتك باذني وانته وانته ..
وكلبي ما بطل ونينه ونته ونته ..
احب خمسه بحياتي وانت وانت ..
وحضرتك وانت وانت وهاي هيه ..

.................................................. ...

اشتظن سرك حجيته شيعت شي ..
اشبكك وارد اهدك شيعت شي ..
احس لمن عفتني شيعت شي ..
اثاري انه ادفنت روحي بديه ..

.................................................. ..

ابزرع اهموم كلبي توجاني ..
اوكتي ابتاج حزني توجاني ..
جنت ابعسر ردته وتوه جاني ..
وفوك الظيم اجه يعتب عليه

.................................................. ...

من شفتك احس اتغيرت دنياي ..
وعقلي من جمالك صبح مجنونك ..
صرت انا احبك اكثر من الروح ..
والروح اطلعت جا شافت اعيونك ..

.................................................. .

ادك باب كلبك صارلي هواي ..
دطلع شوفه ياهو شوفه شيريد ..
اذا ابقى ادكن اكسر الباب ..
وعليك انه اطب اتريد متريد ..

.................................................. .

احنه ما نطلب بعد منك تعود ..
وابد ما نطلب بعد منك تحن ..
رايدين اترد كلبنه المات بيك ..
حته يمنه احنه بكرامه يندفن ..

...............................................

انه لو كتلك اجي معناها اجيك ..
وانت ما مره كلتلي وجيتني ..
مره اذكر بالحلم كتلي تعال ..
واركض ابنص الحلم خليتني ..

.............................................

يفر بينه الوكت فرت نواعير ..
ورغم اجفاك بس ظلينه ننطر ..
صبر ايوب يمكن مو صبر جان ..
ولو مر بصبرنه بلحظه يكفر ..

............................................

انا الدكيت اسمك فوك العيون ..
صرت مثل الرمش مدكوك بجفوني ..
شيشلعك بعد صرت انت بالعين ..
معناها من اشلعك اشلع اعيوني ..

...............................................