انه المكسور خاطري من الكماط
وابد ماشفت راحة من الطفوله
وياي الوكت خوش ازماط زماط
وسوه اللي يريده بكل سهوله
حط بيه جرح ماصار اله خياط
جرحي من الجدم للراس طوله
سبع أسنين عمري وشبني هل خلاط
وأشوف الفرح يمي وما أنوله
صرت مثل النفط والعود شخاط
وصار آنه الونين الكلبي سوله
لاطاير حرت ياروحي لاحاط
ولايوم الفرح بااللساني أكوله



ايها الرائع
قصيدة جدا جميلة
حملت الهم والحزن ونثرته في سماء شاعر غرام
أعانك الله على ماانت فيه
تمنياتي لك بطيب الحياة والسعادة عزيزي
ولاحرمنا مدادك النابض
كل الشكر لك عزيزي