استجواب في المطبخ,,,,,ارجوا التفاعل

[ام فيصل]

تحياتي لك عزيزتي أنين
وشكرا لك وللإستضافة وللموضوع الجميل
فكرة حلوة
دمتي بهذا التألق

1/ هل تحب الطبخ ؟ ويعتمدعليك في الطبخ أو لا ؟ كم كان عمرك اول ماطبخت ؟

نعم احب الطبخ -- ويعتمد عليه في الطبخ بالتأكيد

كان عمري 20 سنة اول ماطبخت
وفي بداية زواجي

2/ اول طبخه طبختها وش كانت هي؟ وش كان شعورك وانت تذوقها؟
و كثرت في المواعين ولا قليل..؟

الرز -- ماكان الرز مضبوط كان معجن شوي
لا لم اكثر في الصحون

3/ طبخه طبختها وفشلت فيها وش كان شعورك وقتها والكل منتظر ؟

الرز طبعا وكان في بداية دخولي المطبخ ولم اعرف مقدار الماء الواجب اضافته للرز وكانت النتيجة انه شوي معجـّن وليس نثري

طبعا خجلت لأن كان عندي اختي الكبيرة ضيفة عالغداء بس عادي ضحكوا وهمه ياكلونه هههههه

4/ وشو شعورك اذا طبخت طبخه وعزمت الكل عليها و عجبتهم ؟ وشو ردت فعلهم؟

اكيد راح ياكلون اصابيعهم وره الاكله

طبعا استانس لأن تعبي ماراح خسارة والإعجاب او النقد مهم عشان المقابل يتعلم في الحالتين ويكون للأحسن

5/ اذا عزمت ضيوف تتطبخ لهم وإلا تشتري جاهز من المطعم؟

لا أطبخ بالبيت اطيب ولو في تعب بس
حلو لما يكون من ايدي

6/ لما تخلص من الطبخ ..تغسل مواعينك ولا تخليهم على غيرك ؟ ههه

نعم اغسل الصحون وبيدي

7/ موقف صار معاك في المطبخ و ما بتنساه؟

ماأذكـــــر

8/ هل تستمع لشي اثناء الطبخ؟

اي افتح راديوا لان اضوج

لا مااسمع شي لأني احب الهدوء وآنه اشتغل

9/ هل تحب يشاركك احد في المطبخ؟

اي نعم احيانا

10/ اذا سويت طبخه ترج البيت وتخليهم غصب طيب ياكلوها ولا مايهمك اكلوها ولالا ؟

لا اكيد يهمني ياكلوها حتى اشوفهه
عجبتهم والا لا

11/ تتابع برناامج الطبخ في التلفاااااز وهل تشتري كتب طبخ؟

احيانا اتابع برنامج للطبخ
ومااشتري كتب للطبخ

12/ اي الاحسن في الطبخ المرأه ام الرجل؟

باعتقادي ان الرجل اكثر مهارة
ولذلك نشوف كل المطاعم وفي الفنادق الطباخين من الرجال

13/ في شهر رمضان ..وشو الطبخاات الا تسويها؟

الشوربات - الجريش
الهريس - التشريب هذه اهم الأكلات ولازم تكون موجودة على السُفرة لأنها الأساسية برمضان

14/ تساعد امك في المطبخ؟وإذا كان تساعدها شنو الطبخه الا تعلمتها من أمك؟؟

لا ماكنت اساعدهه لانها ماتحب احد يدخل معاهه المطبخ وآنه الحين طلعت عليهه

15/ في طبخة اخترعتها من نفسك يعني حطيت شي على شي وطلعت خووش طبخة ؟شنو هي ؟

اي نعم -- اغلب الطعام خصوصا بالعشاء
والتفنن بعمل الباستا هو احله شي

16/ ماذا تفضل ( الفرن الكهربآئي او بالغـآز )

ماعندي مشكلة اي واحد عادي

17/ ما هي الاكلات التي لا تحب تاكلها ابدا؟؟ما هي الاكلات الي ما تستغني عنها ؟

والله الصراحة الأكلات الي يكون فيهه كريمة
او مضاف لها الأجبان مثل الموزاريلا
او الي فيهه زبدة

18/ وش الطبخه الي تفكر تسويها اذا كان في مسابقة الطبخه الاحلى؟

مقلوبة الرز

19/ اذا كنت رايق أومضايق في الطبخ تتفن ..او عادي؟

بالتاكيد النفسية مهمة بالطبخ لأن ماراح تكون
مركز بالطبخ
والأحسن انك تكون رايق لما تدخل المطبخ

20/ ويش يهمك بالمطبخ اكثر شي ؟

اهم شي يكون المطبخ كبير وفيه كل المستلزمات
ويكون طبعا مرتب لأني مااحب الفوضى

21/ اخر طبخة طبختها؟

امس طبخت محشي ملفوف ( اللهانه ) مع الكوسة
(الشجر بالعراقي )

22/ اذا انتي متزوجه هل زوجك يحب طبخه دائماً انتي تسويها وفي طبخه مايحبها انتي تسويها؟

اي نعم يحب المقلوبة
وكل انواع الرز باللحم والدجاج والسمك
ويكره الباميا والفاصوليا والسبزي

23/ افضل مطعم بالنسبة لك وتشتري منه واجد ؟

مافي مطعم محدد - واي مطعم اكله لذيذ
ونظيف نطلب منه

24/ ماهو الطبخ بالنسبة لك ( علم , فن , احترآف ) ؟

اعتقد الكل + النـِفــَس الطيب

25/ هل سبق و أنت تتطبخ جرحت نفسك ؟

اي نعم بس هذا قبل مو الحين
الحين ممكن انجوي بالفرن هههههه

26/ هل مر عليك ونسيت تحط فلفل أو ملح او سكر في طبخة معينة ؟ أو مرة قلبت السكر بالملح او العكس يوم من الايام ؟

لا ماحصل هالشي

27/ متى تحط الملح في اللحم , قبل الطبخ او بعد؟

لا طبعا اثناء نضوجه اقوم باضافه الملح له

28/ في احـد من بيتكم يعرف يطبخ غير الام والبنات ؟

////////////

29/ تحبين اذا طبخت دايما يعطوك رايهم ولا المهم ياكلوه ؟

بالتاكيد احب رأي الي يتذوق طبخي

30/ وشو الطبخه الي ماتحبي تسويها ابد؟

عجينة البيتزا والفطاير - ابدا ماتضبط عندي
حتى لو طبقت المقادير بحذافيرهه وبكل انواع الوصفات يعني بيني وبين العجين عداوة

31/ اذا كان الغذاء شيء ماتحبيه هل تجلسي مع الأهل وتاكلي فواكه ورز او تسوي إلش شيء او تنتظري العشاء؟؟

اذا ماعجبني آكل اي شي موجود عالســُفرة
ماعندي مشكلة

32/ يقولوا ( ان الي يطبخ ما يحب ياكل اكله كثر انه يحب غيره ياكل اكله ) تعليقك؟؟

ليس في كل الأحيان

33/ اكتب لنا وصفة بالرز تعرف تسويها ؟ وصورها لنا علشان نجربها؟ (إذا تقدر)

من عيوني

مقلوبة الرز بالدجاج

المواد
ـــــــــــــــ

دجاج مقطع
رز
فلفل اخضر شرائح
بطاطا مقطعة مكعبات
بصل شرائح طويلة
طماط حلقات
باذنجان حلقات
التوابل (دارسين اعواد - هيل - ملح
فلفل اسود - بهار اصفر - قليل من ماء الورد حسب الرغبة - زعفران او صبغ الزعفران )

الطريقة
ــــــــــــــــ
طبعا يطبخ الدجاج بالماء والملح
والفلفل الأسود والهيل والدارسين الأعواد
ونصف ليمونة لأضافة نكهة للدجاج
ثم تصفى وتقلى بالزيت

ويقلى كل من الفلفل الأخضر
والبطاطا والبصل والباذنجان والطماط كل على حده

يكون عندج الرز مغسول ومنقع بالماء
يصفى من الماء

ونضع في اسفل القدر قليل من الزيت
ويسخن ثم نضيف اليه طبقة من الدجاج والبصل
والبطاطا والطماط والباذنجان والفلفل
ونضع عليه قليل من التوابل اعلاه
ويرش فوقه نصف كمية الرز
ونضع الطبقة الثانية من المواد بنفس الطريقة
مع التوابل الباقية ونضيف الكمية الباقية من الرز
ونضيف القليل من الماء بحيث يغطي المكونات
مع اضافة الزعفران والهيل والملح وقليل من الدارسين المطحونويضاف القليل من ماء الورد حسب الرغبة ثم يوضع على النار
لحين النضج ولايحرك الرز

ثم نقوم بوضعه على نار هادئة جدا الى ان يتهدر الرز

ويقلب في صينية التقديم بحذر
فيظهر بشكل قالب
ويزين بحلقات الليمون والفلفل الأخضر
واعواد البقدونس
ويقدم

وصحة وعافية

وانشالله تجربون المقلوبة وتطلع طيبة
مع شكري وامتناني لك ياانين