اني وياك ياعلي صحيح هم بهاي اختراعاتهم يريدون يثبتون انهم في الدرجه الاولى من الذكاء
لكن يااخي اكو هوايه اشياء مفيده ونافعه
انت تكول هذا الاختراع الي هو الزوجه الاليه تكدر تنجز هوايه اشغال
يعني الزوجه الحقيقيه متكدر؟
بالعكس على الاقل الحقيقيه بشر عدها احاسيس ومشاعر
الا هاي لعبه وين احاسيسها وين مشاعرها
اوكى اجي وياك لابعد نقطه
هو هسه مهووس بيها لكن بعد شكم سنه اذا يريد يصير عنده اطفال مثلا
شحيسوي
بهالحاله رح يروح يتبنى
لان من المستحيل يكدر يخلي هاي اللعبه تحمل بطفل
زين شنو الفائده من طفل التبني اذا ميكون من لحمك ودمك والام موجوده وبجانبك وتربوه سويه

للعلم اني متأكده هو بالرغم من عبقريته في اختراع هاي اللعبه
لكنه ميكدر يفاركها لان متكدر تسوي شي وهو مموجود
وين الاستفاده يعني حتى الاشغال الي تقوم بيها هاي اللعبه لازم بوجود هذا العبقري
فيااخي اني هيج اختراعات مع احترامي لوجهة نظرك مااعتبرها ذكاء
وانما خبااااااااااااااااااااااااااااااااااااال ومثل مكلت شهره لا اكثر ولا اقل
ويجي يوم ويتندم لان صرف كل هالدولارات على شي وقتي مو دائمي
اعذرني عزيزي للاطاله
الف شكر لحضورك العطر
لاحرمت هذا العطر الزكي
تحياتي واحترامي يامهندسنه المبدع