عشرتك روحي صدك ما تملها ..
وكلبي ايام سعدك ما تملها ..
اريد انصب لروحي ماتم الها ..
واشوفك هم تجي وتبجي عليه ..
لو مره تمر مثل الشماته ..
وانه لنحرك ولك يسمر شماته ..
علي مغرور كالولي بشماته ..
صحيح ابشامتك تنغر عليه ..
لو تذكر رباي وياك والعن ..
ولا تنغر على الي بيك والعين ..
فرضنه لو اسبك حيل والعن ..
هم ابغيض وك تزعل عليه ..
لو تعرفني احبك حيل وشتمنك ..
لان منطي للواشي واشتمنك ..
اريد احظنك حيل واشتمنك ..
واشوفك هم تذب روحك عليه ..
لو راسا تكلي ارجوك هدنه ..
وتفاركني وتريد انوب هدنه ..
ولك والله العشك وياك هدنه ..
مريض انه وتعال اسئل عليه ..
واشوف شلون حالي من تسلني ..
ولكن سيف صدك من تسلني ..
الدمع يغلي بجوابي من تسلني ..
اضحك بالجذب غصبن عليه ..
لان ماريد اشوفك يوم حزني ..
وتدري بسيف هجرك ولك هزني ..
وكلبك انته وحدك ولك حزني ..
وحيازه وحمل سلمتك بديه ..
منقوووول