قصـه حيـآتـي

[بشارنو]

سلام عليكم شلوونكم عيوني انشالله بخير

حبيت اكتبلكم قصتي
طبعاا بالبدايه اني اسمي بشار عمري 21 وبيتنا باحي الجامعه قبل ..واني سافرت لتركيا حتى اخلص دراستي وامي وابويه واخواني بالعراق ...
وتقريبا صارلي 4سنوات باتركيا وربي
واني شفت اشياء ودارت بيه الدنيا بس الله يعلم
اول شي قبل مااسافر انتو تدرون شنو اللي صار بحي الجامعه
اني هددوني بحجه أني عميل ههه ويه الامريكان
واني اصلا اشتغل بامصرف, بنك فلوس
بس العقول المتخلفهكالو اني اشتغل ويه الامريكان واني جاسوس
هو اني شجابني على هالسوالف اني ولد على كد حالي لااشتغل بالسياسيه لاويه ذاك ولا ويه هذا
وهددوني واني وراها رحت فتره يم اخويه بالمنصور
واهلي بقوا باحي الجامعه طبعا ماااحجيلكم جنت اجي با4او5 الفجر حتى اخذ قسم من غراضي وربي المنطقه تخووف اتكول داخل لمقبره ههه واني جنت اسوق سياره واخويه يجي ويايه
والعمارات كلها طلقات مزرفه والبيوت ومن غير الجثث يالله
وصديقي مات وصديقي جان كولش اني وياه علاقتنا قويه بس والله العظيم شصار بحالي لمن عرفت,لان اختطفو وقتلو اسغفر الله
واني وراها رحت ودعت اهلي حتى اسافر خووب امي كلبتها مناحه
يبووووو على النسوان من يبجن هع يكسرن قلبي والله
واني ماابجيت كدامهم بس وربي بالطريق طكيت بجي
وراها وصلت تركيا وتركت شغلي اللي بالعراق اففف
وهسه دا اكمل دراستي ولو تدرون شنوو من ضوجه كاعد وحدي بالبيت بس اكل ونوم ودراسه
وبس ومرات اطلع لان الجو حيل بارد وهسه اني عايش وحدي وانتو تدرون الغربه صعبه حيل واني فارقت اعز الناس اليه من غير اصدقائي اللي ماتو وحتى كمت اني انظف وامسح واكنس واغسل مواعين واطبخ ومرات اتعاجر اجيب من بره طبعا اني حيل عجوزي حتى من جنت بالعراق ابويه جان يكولي على شغله ابقه اكوله اي بابا هسه فد شويه بس لحظه دقيقه هههه وجان يكولي
عجزهم قتلهم هع
ومن غير عركاتنا بالبيت اني واخواني وربي جنت متونس بالعراق ويه اصدقائي واخواني وكرايبي وهسه اني باتركيا وضايج وطاكه روحي لان وحدي
ومره من المرات جنا طالعين فااني دا اسوق وكاشخ ذيج الكشخه واخواني كاعدين وامي وابويه يمي
وجان يفوتن بنات هلاهلا واني كمت جان طلعت راسي من الجامه
واصيح عليهم كوللهم احلى وحده ام الحذاء البنفسجي ههه وهمه ولاوحده لابسه بنفسجي وجان بابا كام وجرني من شعري
كلي ولك سوووق واشتغل الحجي ههههههه
ومره من المرات دا نشمي اني واخويه متزوج بس اني حديقه هوع معنس
جان شفت بنيه كاعد تتعيقل وتتلوك اشكد اضوج من هيج بنات افف
جان اني فتت من يمها كتلها وكع وكع خطيه هي اندارت عليه
جان اني كتلها بابا اشبيج مشايفه اجانب ههه يعني اتهمتها عود هي اللي مباوعه عليه ههههههههههه
مره طالع ويه بابا جان شفنا بنات بابا كلي اشو متحارشت جان كتله لابابا خطيه ليش اتحارش عيب ههه
جان ابويه كلي اهاا هسه عرفت العيب من جنت اتصجم وتركض وراهم موعيب ههه كتله هاي قبل اشبيك انت كلي اي لعد هسه لازم منسق هههههههه جان اني سكتت
بابا كلي تره من هسه اني ماازوجك
اني سكتت جان كلي اشو ساكت اني بقيت على الهدوء مالتي هع كلي ولك احجي جان اندار عليه شافني دا اباوع على
وحده هههههههه جان ابويه كلي ولك متصيرالك جاره

وربي جنت اتونس كوولش وهسه اني قمه بالكأبه وحتى كمت مااباوع على البونيات لان حيل تعبان ومو مثل قبل وربي جنت قبل اتشاقه واضحك واطب واطلع هسه ماكو يمكن حتى النسوان اكثر مني يطلعن هاي اني من الجامعه للبيت وهاهيه ولشغل مرات اروح هههه حتى رادو يفصلوني
حياتي قبل جانت حلوه كوولش
هسه حياتي كأبه وضوجه ولعبان نفس
بس منكول غير الحمدلله على كل شي
وتحياتي الكم
انشالله مطولتها عليكم بااي حبايبي

[امير الاحزان:]

ههههههههههه
والله عفيه عليك بشوري
هاااي حال الدنيا
يوم لك ويوم عليك
يمعود لعد احنا انعباليكم بالغربة متونسين
وبعدين انت بتركيا وما شاء الله عليه شعجب ما تتونس
خوب سويلك سفرة وي نور
او هاي الي يسموهه لميس
ولا اكلك صير وي ميماتي ايكون احسن تخلص من الكأبة وغيرهه
هههههههههه
حبيب كلبي
الله يكون بعونك
وربي يرجعك سالم غانم
تعال اخويه ماضل هيج سوالف الوضع احسن الى متى تبقون بالغربة
الوطن محتاج الكم
ليييييش عفتونا وشلعتوا

تحياتي يالغالي

[بشارنو]

ههههههه ولك هي مال لميس هههه
اني عفته للوطن لان هددوني و هسه دا ادرس
وربي حاير بها لدنيا
ومشكووور على مرورك ياعمري

[امير الاحزان:]

اخوي الغالي لا تحير ولا شي

اذا امورك مو توب ارجع للعراق
ترا والله ماكو شي

هااي اشبيكم بس خايفين؟؟؟

اي عود من ترجع انطيني خبر

لان بيك كم دفتر
لان انتي عملة نادره
هههههههههههههههه

تحياتي الك حبيبي الغالي

ياريت تحجزي مكان وياك

[بشارنو]

ههههههههههههه تدلل
ههههههههه

[محمدقشطة]

امنياتنا ان تكون في تمام الصحة والعافية
ويا رب ترجع للبلد الغالي وانت سالم وترجع من جديد بوسط اهلك وناسك العراققين اصحاب النخوة والحمية
....................وشكرا ....................

.................................................. .................................................. ............ محمدقشطة ..............

[بشارنو]

انشالله يارب
هذا اللي اريده وربي
ومشكوور ياغالي