الذكر والانثى / على عناد التماسيح

[الحالمه]

على عناد التماسيح شوفوا حواء شكد مهمة , يا عيني عليها لوما هي
ماكو شي جميل , لان الاشياء المو حلوة كلها مرتبطة بيكم



وهذا الدليل





السعادة___مؤنثه

الحزن___مذكر

الحياة___مؤنثه

الموت___ مذكر



الصحة___مؤنثه

المرض ___مذكر



الحقيقه___ مؤنثه

الكذب ___مذكر





طمأنينه___ مؤنثه

قلق___ مذكر





غبطه___ مؤنثه

حسد ___مذكر




عداله___ مؤنثه

ظلم___ مذكر


كيفوا يا بنات محد كدكم

[بصراوي مشاغب]

الحالمه يمعودة احنا شعدنا غير حواء هي الكل في الكل

بس حواء العجايز ههههههههههههههههههه

موضوع رائع ياوردة

[Bint Belady]

اي والله صدك جبتيه .. عاشت ايدج ام فاطمة
اي خلي يعرفون قدر حواء..

مشاغب حيلك حيلك.. هاي ياعجايز.. يعني ما جوز

تسلمين حبيبتي على الموضوع الروعه
دمتي بود

[Mr.YoYo]

هاااااا شنو هل تفرقه لعد حواء شكد تكرهة لأدم
هههههههههههههههههههههه
عاشت ايدج حالمه

[mjaduo]

حلوم هاي وين لكيتيها بسوك مريدي

الحب _مذكر
الهضيمة _مؤنث

الجمال _مذكر
الانانية _ مؤنث
الوطن _مذكر
الغربة_مؤنث

واذا تريدين اعددلج للصبح

[الحالمه]

هلا مشاغبو , اي هيج اعترف حواء هي الكل بالكل وبدونها الحياة ما تسوه شي


هلا بنوته , تسلمين عمري على مرورج , وخليج من مشاغبو هو من كثر ما كبر وخرف كام
ميعرف الشاب من العجوز .

هلا امير , اكلك تره احنا منكره احد بس هذه الحقيقة حواء مرتبط بيها كل شي جميل
ام آدم يا حسرتي عليه , كل ضيم ومصايب .

هلا محمد , اكلك خاف انت كل يوم بسوك مريدي فمو عبالك كلها مثلك
انت هذني اليوم جبتهن من سوك مريدي ؟


بس انت ليش مقهور , اني مصرة انك عندك عقدة من حواء وابقى مصرة منا لمن تعترف شنو
عقدتك , احجي لاتخاف سرك في بير تره محد يقره كلها راح تغمض عيونها
بس احجي شنو مسويتلك حواء .


وهاي همين الك وعلى عنادك .


القهر مذكر

الفرحة مؤنث



الشغب مذكر

الركازة مؤنث


الرياضيات مذكر

القرأة مؤنث


الكسل مذكر

الشطارة مؤنث

واذا تريد بعد مو مشكلة هم اعدلك للصبح

[mjaduo]

ها حلوم مصرة الظاهرعلى اذية حواء الصدك اي اني حاد سنوني على النسوان لان بكل عزا لطامات وفيلسوفات زايد على اللزوم
وعبة زايد على رب الاسرة وما مرجية اي فائدة منهن غير بس جيب جيب ما كو هاك

وكلشي متفيد الوطن بساعة الحروب غير بس خاتلة واحنة المساكين واكَعين بيها
وبعدين اخر الاحصائيات تشير ان المراة تاكل اكثر من الرجل

ناهيك عن المراة يمكن انتزاع منها الاسرار بسهولة ويسر

كذلك ان حواء تنام اكثر من ادم ناهيك عن شخيرها المستمر وبانغام عالية

الحمد لله الذي منحني هذا العلم الواسع على حواء لمجاراتها في الحياة

[الحالمه]

ها محمد احنا عبئ زايد , الضاهر انت متعرف ان حواء هي الكوكب المنير للرجل

يعني لوما هي لاصبحت حياة الرجل ظلام دامس .

وبعدين أكدت الدراسات الاخيرة ان حواء قادرة على تحمل أعباء اكثر من الرجل( مثل المرض والتعب والخ .

وهسه انت شكد عددت من سلبيات لحواء , بس اقولك شي واحد يكفي ويغطي على كل هذه السلبيات

يكفي حواء انها حملتكم في بطنها 9 أشهر ..

وشكد ما نحصي للرجل مراح يجي نقطة ببحر من الي تعمله المرأة


دير بالك على ام عراق هااا