يبو شفايف عنب وسط البساتين

[ام علاوي]

يبو شفايف عنب وسط البساتين
وغير شفايفي ماراد سله
مثل شارع الروضه وحلة اطفال
شعرك على متونك من تحله
عينك حمورابي ورمشك اشور
أذن عينك مسله بنص مسله
ويلطولك سواتر بالهجومات
وعلى زنودك تشيل الجيش كله
مثل لحظة عفو وركظة مساجين
هيج زرار جيدك من تفله

دفل زرار جيدك خل نشامه
وحارس على خدودك خلني شامه
حرب وك عالسواتر خل نشامه
دوه عيون المراصد مدفعيه

ويل عينك مضيف وللعتب مفروش
ورموشك خواجي شيوخ المحوله
اذا مديت ايدك جن حضيره جنود
وبساعة صفر شنت علي صوله
وطولك لو وكف والشعر شاله الريح
جن رفعة علم من تنتصر دوله
واريد احجيها لك بس الك مو للناس
وسر بيناتنه خليها لحجايه
تعرف ليش احبك راح اكلك ليش
جيه طولك مناره بنص الولايه
وشفتك عالنهر دنكت تشرب ماي
جن شفت النهر دنك شرب مايه
على خدود المرايه تمشط الحلوات
وعلى خدودك شعرها تمشطه المرايه

مما راق لي

[امير الاحزان:]

احسنت ام علاوي لهذا الانتقاء الرائع
كتبت كلماتك باحساس مرهف
فكان فيضها قد غمر اللواعج بهالة من الحبور
لك خالص مودتي مع ارقى التحايا

[ام علاوي]

شكرا لمرورك الرائع ياامير الامراء
لاتحرمني طلتك البهيه
لك خالص مودتي وتقديري

[عمار الغزي]

احسنتي الاختيار ام علاوي
عاشت وسلمت الايادي
قصيدة عن جد روووعه
لا حرمنا الله جديدك
تقبلي مروري

[عمار الغزي]

احسنتي الاختيار ام علاوي
تقبلي مروري

[ام علاوي]

عمار الغزي... عطرت سطوري بعطرك الاخاذ
الف شكر للحضور المميز
لاتحرمني هالطله البهيه
ودي وارق التحايا

[سناريا]

قصيدة رائعة وتحمل اجمل معاني
الغزل ممزوج باعذب الحان الحب
دمتي بهذا الابداع
لكي مودتي

[الشاعركريم السلطاني]

تسلمين ياام علاوي على هذة القصيدة الرائعة وتحياتي لك
السلطاني