للحُسين بدمنه أقسمنه الولاءِ
***********
أحنه درب حسين عنه مانحيد
ولانبدله لحد ساعات الوعيد
خله ينزف خله يجاره الوريد
مانزل عنه رغم هدر الماءِ
************
أحنه درب حسين علمنه الصبر
وبمذله عار نكضيه العمر
لو اريد الابه والعز والنصر
لازم الطف كربله يكون انتماءِ
************
قبله للاجيال صارت كربله
لبو اليمه الباري خصصها أله
للازل بالعين تبقه ماثله
من اصد ليها اصد بكل إباءِ
*************
من تصد الكربله اقسم يمين
يرتفع شانك تظل عالي الجبين
نعمه من الباري خصها بالحسين
من اصد ليها أحس بكبريائي
*************
من تصد الكربله تحس بأمان
تلين بيها أعتى شدات الزمان
لأن بيها طاف دم سيد الجنان
بعلتك اكصدها مضمون الشفاءِ
**************
من تصد الكربله تحس بالفخر
تزينت بأبها المعاني والصور
من وكف عباس حامي للنهر
لاذ بيه النهر من جور الضمائي
**************
من تصد الكربله لابد تشوف
غيره مذلوله لها عاتي السيوف
راية العباس لسه أعله الطفوف
ترف خفاكه وتضج بيها السماءِ
**************
من تصد الكربله لابد تطيح
دمعة العين ومهجتك من تصيح
آه وا ويلاه يحسين الذبيح
لو بجيت العمر مايهجع بكائي
**************
من تصد الكربله زينب اهناك
من تصيح حسين جن صاحت وياك
تكله يبن امي الضعن كله بحماك
وانت مافد يوم خيّبته الرجائي
**************
مثل زينب ارد امت بحسرتي
واسحن بروحي ودليلي وهجتي
ليش من ناده ابو اليمه شيعتي
ناده وسفه ومانفع بينه النداءِ
*****************
آه واويلاه نصرخ ياحسين
ومن دمايه صدورنه نحني الادين
عهد نبقه شما تمر بينه السنين
للحسين بدمنه اقسمنه الولاءِ
*******************************
عضم الله اجوركم جميعا.....
توفيق