ابوذيات منقولة(10)
******************
انه المايوم خله وياك خليت
شجاك وبالظهر سجين خليت
شعندي وشبعد ياترف خليت
صفه حتى البدي هم موش اليه
*****************
طبعك مو شجي وكتلك شجاني
اشجنيت وياك بس كلي شجاني
امس جنت انحضن وانشم شجاني
قنفذ والحظن حصره عليه
******************
القلب مارف على غيرك ولا مال
خلص عمري بعودك والامال
ابد لا ولف عندي يناسيني والامال
الونس انته حبيبي وهاي هيه
***********************
نحيل الجسم من بعدك تراني
واريدك دوم بعيونك تراني
افكر بيك كل لحظة تراني
واسألك هم تفكر دوم بيه
**********************
ارجو ان تلاقي استحسانكم
رد مع اقتباس