قصيدة الورقة للشاعر الكبير مجيد عامر السعدي

الخبزة بورقة اليمشي بورقة
كلشي بورقة

شخلة الظالم عدنة شبقة

بس الدم ومصة التاجر
وكلمن يكسب يكطع رزقة

حاس الدنيا وذل بغربة
وتو حربة امخلص من شرقة

زمن السرعة ايسابق نفسة
وابن صبيحة ايريد ايسبقة

دمرنة واظلينة بكيفة
يلعب بينة شبر وجقة

وحرم كلشي محلل عدنة
بس ابنادم حلل شنقة

نوبة ايحرم الماي علينة
ونوبة احبيب صاير سقة

ونوبة امعكل عربي ابزية
ونوبة امريكي ولابس شفقة

جم نوبة ونوبات اهواية
ايبين جذبة وضايع صدقة

من جان ايشتم بمريكا
وهوه وياهم عاقد صفقة

واحنة بهالحالة ومانكدر
نحجي ولاموضوع انطرقة

امخورسنة الخوف ومانخجل
بس افكار ولسن اللبقة

نجرع نبقة اليامت سكتة
وحقنة انشوفة امضيع حقة

خل انواجه دنية الظالم
والصدر انفتحة الكل طلقة

بلكي انساوي اشعوب العالم
بالحب والحق بس نطبقة

الشعب الصادق ما يتفرق
بس الغش ولشر ايفرقة

بس الغش ولشر ايفرقة


كتبت هذه القصيدة بعد احداث1991في محافظة بغداد

للشاعر العملاق

مجيد عامر السعدي

مع تحياتي اخوكم
وسام الساعدي

كلمات ولا أروع وصح لسان شاعرنا الكبير مجيد عامر السعدي

والف شكر لك عزيزي للنقل المميز

تقبل تحياتي

[وائل الطائي]

كلمات روعه اخي الكريم والف شكر الك