مهم لكل عربي وعراقي

عزيزي صدام الشرف مرحبا بك و ياميت هلا بيك وبكل واحد يريد يطرح راية كلامك بيه صح و بيه خطاء من وجهة نظري احب اقول لك:


الذي يطرد هو الشخص الذي يعلم انه على خطاء و تجاوز على قوانين المنتدى الي هو يقبل الراي و الراي الاخر و لكن اذا كان الراي الاخر على حساب ملاين من الناس و طوائف نحن مكون منها لانود سماع هذا الراي .

الشيعي يقتل السني و السني يقتل الشيعي و المسيحي : في كل بلد مجرمين و قطاع طرق يااخي العزيز فهل اهل العراق ملائكه؟
ام انه بلد يعيش قمة الرفاهية ممالايجعل اي شخص يقتل ل 100 دولار على راس شيعي؟ او اي طائف اخرى.

نعم هنالك اختراقات و تجاوزات من قبل دول كايران و امريكا و غيرها و من قبل اشخاص انتخبهم الشعب على امل لكن هل هنالك احسن منهم يااخي صدام حسين الله يحفظه من يوم طلعت انا على الدنية و اسمع حروب و صافرات الانذار و لا مي ولا كهرباء و الكرامة الي تحجي عليها معدومه بقت على هل كم سنة الي نتامل ان تكون احسن من الي قبلها ؟

اذا كنت عايش و كرامتك محد تعرض لها و مرتاح بحكم صدام فانا اسف جدا لان خليت امريكا تجي للعراق حتى تنزل من كرامتك بس لا تنسى امريكا مو انا جبتها ولا انت امريكا مو انا الراضي بيها و لا انت لكن امريكا بقوتها و التخطيطات الي مفكرة بيها اجت يعني هدفي و هدفك واحد لكن ليش ترضى انت تعيش بكرامة و انا اعيش في ذل؟
انت عراقي و انا عراقي انت مدني و انا مدني كول لي الفرق هذا امريكا سويته لو السيد القائد المجاهد صدام حسين؟

والله شبعنا شعارات يومية حامي الجبهة الشرقية و الكويت النهر رجع للاصل و فلسطين نحررها و النتيجة انا اروح للمستشفى مابيها ابسط المقومات مال الحيات و الراتب 3000 دينار عراقي مابيها كليلو لحم و البانزين نار و كهرباء ماكو غاز ماكو كل شيء ماكو

الديمقراطية الحياة بالسويد الي انت طلبت لجوء بيها سويت قصص على مود يقبلون لجوئكم و ينطوك فلوس على مود تعيش الفلوس هاي نفط العراق جان يكول عليها الرئيس المجاهد صدام ابن العوجة صدام الي العراق ملكه و احنا عبيد عنده صدام الي ما تودي وجهك بمكان اذا ماتشوف صورته صدام صدام صدام لو عنده قليل من الفهم كان سوى العراق احلى من السويد و الامارات و امريكا كان كتبنا اسمه في قلوبنه مو تحت اقدامنا و نمشي و نتطلع لغد افضل و ليس لماضي اليم

اين الكرام ياصحبي و اخي و ضيفي في بيتي؟

تحياتي الك و اقول لك العراقي يقراء كلامك لكن مايرد يجوز لان تعبنا خوية من النقاش تعبنا و مانريد نتذكر الذل الي شفنا حبيت ارد عليك لان انا صورة من صورة هذا البيت الصامد.

شكرا على الرد اخي الكريم..
لكني احس ان مشاركتك فيها نوع من التغليف و مبطنة اما بالنسبة للاعضاء الذين يُطردون : الم تملّلو من السجون ؟؟؟ في حكم الرئيس صدام حسين كانت هناك سجون و الان سجون و ايضا في المنتديات سجون؟؟؟؟ صدك ديمقراطية
اما بالنسبة الى قتل اخواننا الشيعة بمبلغ فالعراقيين الاخرين يُقتلون مجاناً و تنتهك اعراضهم و منازلهم بدون سبب و انا الان اكتب و 3 من اعز اقربائي قتلو بلا سبب...او كل ذنبهم انهم من حملة الشهادات و ذوو الكفاءات العلمية فكما تعرف يا اخي اصبح من الممنوع على العراقي ان يحمل شهادته السابقة و يعمل بها لان كل الدوائر و الوزارات اصبحت لاتباع النظام الفاسد...
اما بالنسبة للكويت فعيب عالعراقي ما يعترف بأرضه المسروقة و ان شاء الله ترجع بعد استتباب الامن في البلاد من قِبل الوطنيين.
و بالنسبة لاتهامك لي بالقدوم الى السويد من اجل المال فانا اغنى ممن ياخذ طراطيش فلوس و يشرها عالشمس حتى تصير حلال...و بالنسبة لقضيتي فانني حصلت اللجوء باربعة اشهر لكوني عراقي ابن عراقي حفيد عراقي و هويتي اصلية ليست من (سوك مريدي)

و تقبل مني رأيي مع احترامي

[بصراوي مشاغب]

تحذيرك لتحترم نفسك لكن امثالك مو مال احترام

اذهب وتعلم الشرف قبل دخولك هنا

انكم من حثالة صدام والقاعدة القذرة

ولاونسمح لاامثالكم يقذروا هذا البيت النظيف