سامحيني

سامحيني لو خطيت بحقج آني
وحطمت جدران
صمتي

سامحيني الجهد مبذول مني
للوصل بس ضاق
وقتي

سامحيني من علا صوتي لساني
زل بالحجي وكال
اختي

سامحيني بالنسا ماكو بجمالج
والاحبها ياحياتي فقط
انتي

سامحيني والحصان اللي حملنا
من هرب شافج
زعلتي

سامحيني التل ظل يضحك علينا
شاف ركضج من
هربتي

سامحيني والغدير الكان يسمع
همسنا ومنه
نهلتي

سامحيني نشف مايه
وذبلت الازهار حوله من
رحلتي

سامحيني الحواجز بالشوارع
وعسى فيها
لاعثرتي

سامحيني جيت منج اعتذر
هلّلا
عذرتي

سامحيني وجيت اكتبلج
همس هلّلا
كتبتي

سامحيني وهاتي ايدج
في يدي هلّلا
قبلتي

سامحيني وهاتي اذنج حيل يمي
.. آني احبج..هاا
سمعتي

سامحيني هذي شفتج؟
هذي هم شفه صدك؟ فيها
رضعتي

سامحيني كالطفل هيمان بامه
انتي بامج مره
همتي

سامحيني هالشكل حبي وهيامي
مثل متحبين امج آني احبج
هل فهمتي

سامحيني
سامحيني
سامحيني












الكناري
يونس الجبوري
6/12/2009