دارميات السلطاني

[الشاعركريم السلطاني]

هاي الشفايف دوم ماشفت منهن
من العقيق ايجوز ربك خلقهن
-----------------------------
احجي ابصراحة وياي لتظم علية
نفترك كون اتريد بينهه لية
--------------------------
اتكلي انة اهواك صار اثنعش عام
شو درت وجهك ليش ونسيت الايام
------------------------------
هذا انة طبعي اسنين صارتلي حالة
ابتعد عن الكام يكثر دلالة
-------------------------------
اليوفي اوفي وياة وصبرلة للموت
ومتد جسر للزين يسحكني ويفوت
---------------------------
اليوفي اوفي وياة حد المنية
اكطعلة كون ايريد اثنين ادية
-----------------------
مشتاكة ليك الروح مشتاكة كلش
طير وجنح مكسور وتفلش العش

[ام علاوي]

مشتاكة ليك الروح مشتاكة كلش
طير وجنح مكسور وتفلش العش
................................
الله عليك يالسلطاني
دارمي روووعه
سلم لنا ابداعك المتواصل
ننتظر المزيد بشوق
تحياتي الحاااره

[حيدر القريشي]

اتكلي انة اهواك صار اثنعش عام
شو درت وجهك ليش ونسيت الايام

باقه رائعه جدا من الدارميات
سلمت الانامل التي خت هذا الابداع
تحياتي وتقديري للسلطاني
مع اطيب امنيات

[الشاعركريم السلطاني]

شكرا لدخولكم العطر يالغالين تحياتي لكم
السلطاني

[ام فيصل]

يااعيني عليك
عاشت ايدك عزيزي
على روعة هذه الدارميات
ودام لنا مدادك الراقي

مع تحياتي للسلطاني

[الشاعركريم السلطاني]

شكرا لهذة الردود العطرة تحياتي
السلطاني

[امير الاحزان:]

اليوفي اوفي وياة وصبرلة للموت
ومتد جسر للزين يسحكني ويفوت
***********
حلوه اقولها لك اخوي السلطاني
دوم التميز يارب
وكل عام وانت بخير

[الشاعركريم السلطاني]

شكرا لك ياامير الاحزان للدخول الرائع
السلطاني