بــغــــــــــــــــــــــداد

[امير الاحزان:]

الباء باء الحزن والآه والحيره

والغين غزو وقتل يايمه بالديره
والدال داء ومرض والطلقه بصديره
والألف آه وحزن والدمعه على الغيره
والدال الاخيره صفت مفتره فريره
بغداد هيچي اصبحت يالسامع الابيات
بغداد چانت گبل لادمع ولاونات
كراده خارج هلا وشحلوه البنيات
ومنصور واگف جبل مابيه أثر طعنات
والكرخ يم النهر ويا الرصافه ايبات
وباب المعظم دوه والكاظم الوصفات
والدوره امي انا والغزل والصفنات
وزيونة مكان الرقة والجمال والكعدات
أربع أسامي ذهب تخلي الوطن جنة

دجلة وفرات العذب والشيعة والسنة

الله الله
صح السانك اخوي الغالي
مشاعرك ورهافة احساسك
وهذه الروح الوطنية..التي تغنة بلواعج الوطن الجريح
ثم ترتجي الجمع بين الاحبة بعد طول غياب
من حيث اننا يد واحده..ولا فرق بيننا
مودتي مع باقات وردي
اخوك الامير