ابو ذيات راقية جنان

[عمار الغزي]

وحق لعدك يلمدلل وانه بجاي
مغمسك بلحليب الله وانه بجاي
تبجي بفركتي دمعه وانه بجاي
يفيض الكون من تبعد عليه

افكر بيك واحلم وي خيالي
احترك من نار هجرك وي خيالي
صرنه ثنين روحي وي خيالي
امن اهد طيفك خيالي يهد عليه


بسم الله بطلعتك بسملت لك
وروحي شتكت همي بسملت لك
لغيرك ما اميلن بس ملت لك
ملتلك طحت غير تجر اديه


صرت قيس انه وانته بيهه ليلى
وكل شفاف تحجي بيهه ليلى
صار اليل ضدي بيهه ليلى
تعافه وشمر نجومه عليه


جرحي ما تكض دمه وصلتك
لان جنحين ما منهم وصل تك
عدل واليوم اذا مكدر وصلتك
اجي جنازه وهلي يشيعون بيه


منقول

[سلام الدراجي]

تسلم عمار وعاشت ايدك
ابوذيات رائعه
مشكور عزيزي تقبل مرور الدراجي

[عمار الغزي]

حبيبي سلام شكرا لك ولتواجدك الدائم
لتشجيعك لي لا حرمني الله طلتك

[ام فيصل]

الله ياعمار
احسنت افختيار
ابوذيات جدا جميلة
لاحرمنا تميزك عزيزي
ودام لنا هذا العطاء والمداد الرائع
دمت بكل الخير

[امير الاحزان:]

انتقاء رائع اخي عمار
بارك الله فيك
ودي مع باقات وردي
اخوك الامير

[عمار الغزي]

شكرا لكي ام فيصل
ولهذا المرور الغالي
قبلي خالص ودي

[عمار الغزي]

شكرا لك ياغالي
امير يشرفني هذا المرور
تقبل مني خالص التحايا

[عمار الغزي]

وايدك اخي الغالي فواز
شكرا لمرورك وتواجدك بصفحتي